Collective Bargaining PH

SINIBAK sa pwesto ang anim na opisyal ng Bureau of Customs (BOC) partikular sa Port of Subic na hinihinalang sangkot sa smuggling ng asukal. Ito ang kinumpirma ni Press Secretary Trixie Cruz-Angeles sa isang pulong balitaan sa Malakanyang ngayong araw. May kaugnayan ang naturang usapin sa nagpapatuloy na imbestigasyon patungkol sa narekober kamakailan na mga smuggled sugar sa nasabing pantalan. Kabilang sa sinibak sa pwesto ay sina: Maritess Theodossis Martin, District Collector Maita Sering Acevedo, Deputy Collector for Assessment Giovanni Ferdinand Aguillon Leynes, Deputy Collector for Operations; Belinda Fernando Lim, Chief of Assessment Division Vincent Mark Solamin Malasmas, Enforcement Security Service (ESS) Commander Justice Roman Silvoza Geli, CIIS Supervisor Saysay pa ni Cruz-Angeles, pansamantalang inilipat ang mga nabanggit na opisyal sa Office of the Commissioner habang sasailalim sa imbestigasyon ang mga ito. Batay na rin ito sa Office Order na may petsang Au...

INIHINTO muna ng ABS-CBN at TV5 ang kanilang “closing preparations.” Ito ay para tugunan ang mga isyu ng ilang mambabatas at National Telecommunications Commission (NTC) kaugnay sa investment deal ng dalawang network. Batay ito sa magkahiwalay na anunsyo ng ABS-CBN at TV5. Naniniwala naman ang ABS-CBN at TV5 na ang kasunduan sa pagitan ng dalawang media companies ay magkakaroon ng favorable impact sa Philippine media. [embedded content] Follow SMNI NEWS in Twitter

PATULOY ang pag-aaral ng Department of Education (DepEd) sa learning gaps ng mga bata upang matulungan sila na mabilis matuto sa loob ng paaralan matapos ang dalawang taong pagkakaantala ng in-person learning. Pinababalangkas ng DepEd ang bawat paaralan ng isang learning recovery plan upang makahabol ang lahat ng estudyante at mapabilis din ang kanilang pagkatuto. “Definitely ang tinitingnan natin is when the students come in, you will need to assess ‘yung kanilang situation. What is that mean? Meron tayong mga series of tests, assessments na gagawin para makita natin kung nasaan ‘yung gap nila kasi it’s been two years. After that mag-i-employ tayo ng mga strategies ng bawat school kung papaano nila malo-lower ‘yung gap or to close that gap basically,” pahayag ni Atty. Michael Poa, tagapagsalita ng DepEd. Isa sa mga nakikitang suliranin sa mga estudyante ay ang kanilang kakulangan sa literacy skills. Nakikita naman ng DepEd ang pag reskill at pag-upskill sa mga guro upang matug...

NAGPATUPAD ng pre-emptive evacuation sa ilang lugar na posibleng makaranas ng epekto ng bagyong Florita. Sa ulat ng National Disaster Risk Reduction and Management Council (NDRRMC) , aabot sa 180 pamilya o 543 indibidwal ang inilikas dahil sa masamang panahon. Nagmula ito sa Cordillera Administrative Region (CAR) at Region 2. Tinututukan din ng NDRRMC ang iba pang lugar na posibleng magpatupad ng paglikas sa mga residente. Sa ngayon, naka-red alert ang ahensya kung saan pinagana na rin nila ang response cluster. [embedded content] Follow SMNI NEWS in Twitter

PINABIBIGYAN ng kompensasyon ng isang panukalang batas ang mga biktima ng ‘wrong apprehension’ ng mga traffic enforcer . Sakop ng House Bill 3366 ni 1-Rider Party-list Rep. Bonifacio Bosita ang pagbibigay- proteksyon sa mga motorista laban sa maling pagsita o paghuli ng mga enforcer sa daan. Saad ni Bosita na nakakatakot na karanasan para sa ilang motorista ang masita o mahuli lalo na kung mali ang ‘apprehension’ na ginawa. Diin ni Bosita na kadalasang nangyayari ang ‘improper traffic apprehension’ sa paghahabol ng enforcers na maabot ang kanilang quota sa paniniket o ang isang enforcer ay salat sa kaalaman sa traffic laws, rules, regulations at maaari din na sinasadya ang paghuli dahil sa personal na mga rason. Sakop ng panukala na kapag hindi napatunayan ng traffic enforcer ang violation sa Traffic Adjudication Board ay pagbabayarin ang nanghuli ng kompensasyon bukod pa sa pagkakatanggal sa serbisyo. Ang traffic enforcer din ang magbabayad sa towing at impounding charge pati na...

KANSELADO ang apat na domestic flights ngayong araw dahil sa masamang panahon. Sa abiso ng Manila International Airport Authority (MIAA) , kanselado ang Flights 20 2932 at 2933 na Manila-Basco-Manila ng PAL Express. Kanselado rin ang Flights DG 6031 at 6032 na Manila-San Jose-Manila ng Cebgo. Pinapayuhan naman ang mga apektadong pasahero na makipag-ugnayan sa airline companies para sa rebooking o refund ng kanilang tickets. Follow SMNI News on Twitter

HINDI maitatago ang mga taong nasa likod ng kontrobersiyal na sugar importation. Ito ay ayon kay SAGIP Party-list Rep. Rodante Marcoleta sa panayam ng SMNI News. Aniya, ang bibilis magsi-resign ng ilang opisyal ng Sugar Regulatory Administration (SRA) ngunit hindi nila maitatago ang mga nasa likod ng anomalyang nangyayari hinggil sa suplay ng asukal sa bansa. Naihirit din ni Marcoleta na nakapagtataka ang naging hakbang ni resigned Agriculture Undersecretary for Operations Leocadio Sebastian. Ani Marcoleta, nakuha nitong sumangguni kay Pangulong Ferdinand “Bongbong” Marcos, Jr. para sa ninanais niyang sugar reclassification ngunit hindi sa sugar importation na mas importanteng isyu. Sa huli, tiniyak ni Marcoleta na kanyang mapapalitaw ang mga sangkot kaugnay sa importation. [embedded content] Follow SMNI NEWS in Twitter

INATASAN ni Police Regional Office Cordillera ( PRO-COR) regional director Police Brigadier General Mafelino Bazar ang lahat ng kanilang provincial directors at city directors na makipag-ugnayan sa Local Disaster Risk Reduction and Management Office. Ito ay upang maging maayos at organisado ang pagtugon sa posibleng epekto ng bagyong Florita sa kanilang rehiyon. Ayon kay Bazar, naka-standby na ang 1,882 search and rescue (SAR) trained personnel at 1,953 Reactionary Standby Support Force (RSSF). Tumulong din ang RSSF na mag-unload ng tinatayang 2,832 piraso ng DSWD kitchen kit sa DSWD Storage Facility sa La Trinidad, Benguet. Kasabay nito, pinaalalahanan ni Bazar ang publiko na gawin ang mga kinakailangang paghahanda sa bagyo. Samantala, nasa signal number 3 ang Apayao; signal 2 ang Abra, Ifugao, Kalinga at Mt. Province; at signal 1 ang Benguet na area of responsibility ng PRO Cordillera. [embedded content] Follow SMNI NEWS in Twitter

NAGDEKLARA si Pangulong Ferdinand “Bongbong” Marcos, Jr. ng suspensyon sa trabaho at klase sa ilang lalawigan ng Luzon dahil sa Severe Tropical Storm Florita. Ito ang inanunsyo ni Press Secretary Trixie Cruz-Angeles sa isang pulong balitaan sa Malakanyang ngayong araw, Agosto 23. Ani Cruz-Angeles, suspendido ang trabaho sa lahat ng government offices maliban sa frontline agencies na nagbibigay ng emergency services. Kinansela rin ang klase sa public shools sa lahat ng lebel. Ang suspensyon ay epektibong ipatutupad ngayong araw hanggang bukas, Agosto 24. Partikular na ipinag-utos ni PBBM ang work at class suspension sa mga apektadong lugar gaya ng National Capital Region, Cavite, Laguna, Rizal, Bulacan, Zambales at Bataan. Samantala, sa pribadong sektor ay nasa diskresyon na ito ng employers ganoon din sa private schools, subalit rekomendado na isususpinde na rin ang pasok. Inihayag ng press secretary na maaaring magdala ng panganib sa publiko ang matinding buhos ng ulan base sa...

PINAG-IINGAT ng National Disaster Risk Reduction and Management Council (NDRRMC) ang mga residente sa mga lugar na posibleng maapektuhan ng bagyong Florita. Sa weather bulletin ng PAGASA, nakataas ang signal number 1 sa Cagayan, Isabela, Quirino, Nueva Vizcaya, Apayao, Abra, Kalinga, Mountain Province, Ifugao, Ilocos Norte, Ilocos Sur at hilagang bahagi ng Aurora. Malakas na hangin ang iiral o inaasahan sa loob ng susunod na 36 na oras sa mga nabanggit na lugar. Ayon sa NDRRMC, pinapayuhan ang mga residente sa apektadong lugar na mag-ingat sa banta ng pagbaha, pagguho ng lupa, at sa panganib ng malakas na hangin na dala ng bagyo. Nakahanda aniya ang NDRRMC maging ang iba’t ibang mga Regional DRRM Councils, mga ahensya ng pamahalaan at mga pamahalaang lokal para sa mga posibleng sakunang idulot ng bagyo. [embedded content] Follow SMNI NEWS in Twitter

MAGKAKAROON ng tsansa ang Women’s Volleybal Team na makakuha ng valuable FIVB points at lumaban sa prestihiyosong Volleyball Nations League Challenger Cup (VNLCC). Ayon kay Asian Volleyball Confederation (AVC) Control Committee President at Technical Director Dr. Han Joo Eom na gaganapin na kada taon ang AVC Cup para sa mga babae at uumpisahan na sa susunod na taon kung saan puede makakuha ng puntos. Samantala, ang tournament na dating ginagawa kada dalawang taon ay magsisilbing qualification para sa mga team na naghahangad para sumali sa Challenger Cup. Aminado naman si Eom na medyo nahirapan sila ngayong taon dahil maraming mga koponan ang nangako na sasali sa kumpetisyon ngunit dahil sa sitwasyon, hindi nakasali ang mga ito. Dagdag pa nito, ang championship ay mas importante. Nagpapasalamat naman si Eom sa bansa dahil sa pag-host ng tournament sa kabila ng mga hamon. Magugunitang, pang-siyam ang women’s volleyball ng bansa noong 2018 AVC Cup at nakatakda nitong kalabanin ang...

SUSPENDIDO ang unang araw ng klase para sa pre-school hanggang elementarya sa buong probinsya ng Cagayan Valley dahil sa banta ng tropical depression na Florita. Pinaalalahanan din ni Cagayan Gov. Manuel Mamba ang publiko na manatili sa mga ligtas na lugar habang nakalagay sa Tropical Cyclone Wind Signal (TCWS) No. 1 ang buong probinsya. Ayon sa forecast ng PAGASA , makararanas ang probinsya ng mahina hanggang katamtamang pag-ulan at minsa’y malakas na pag-ulan hanggang mamayang gabi at pwedeng sundan ng matinding pag-ulan hanggang bukas ng gabi. Isasailalim din sa signal no. 1 ang Isabela, Quirino, Nueva Vizcaya, Apayao, Abra, Kalinga, Mountain Province, Ifugao, Ilocos Norte, Ilocos Sur, at hilagang bahagi kasama ang Dilasag, Casiguran, Dinalungan, at Dipaculao. Follow SMNI News on Twitter

PINAKAMATAAS na nakakuha ng budget allocation ang Department of Education (DepEd) batay sa panukalang 2023 national budget. Ito’y dahil batay sa proposal, P852-B ang inilaan para dito. Nakakuha naman ng P10-B allocation ang National Task Force to End Local Communist Armed Conflict (NTF-ELCAC) . P184-B ang sektor ng agrikultura; P167.1-B ang para sa transportasyon. P100.2-B para sa National Health Insurance habang P30.5-B ang para sa National Rice Program. Follow SMNI News on Twitter

INIHAYAG ni Star for All Seasons Vilma Santos na magbabalik muli ito sa showbiz. Binigyang-diin ng beteranang aktres na hindi niya muna masasabi kung ano ang kanyang magiging proyekto hanggang hindi pa ito pinal. 2016 nang huling nagkaroon ng palabas na may pamagat na “Everything About Her” ang Star for All Seasons. Sa ngayon ay sibilyan na muli si Ate V. matapos ang dalawang dekada bilang public servant ng Lipa, Batangas. [embedded content] Follow SMNI NEWS in Twitter

NANGAKO si Parañaque City Mayor Eric Olivarez na uunahin niyang bigyan ng pangkabuhayan ang mga residente ng lungsod. Sa pamamagitan ng pagbibigay ng mas maraming pagkakataon na dagdagan ang kanilang kita sa pamamagitan ng mga programang pangkabuhayan ng gobyerno. Aniya, bukod sa sektor ng edukasyon at kalusugan, ibinahagi ni Olivarez na isa sa kanyang pinakaprayoridad ay ang pagbibigay ng mas maraming pagkakataon sa kabuhayan sa mga residente ng lungsod. Sa kasalukuyan, sinabi ni Olivarez na ang lokal na pamahalaan, sa tulong ng Public Information Office at Business Permits and Licensing Office ng lungsod, ay nagpatutupad ng City Ordinance 17-08, Series of 2016, na inuuna ang pagkuha ng mga Parañaqueño sa lahat ng business establishments sa loob ng lungsod. [embedded content] Follow SMNI NEWS in Twitter

TARGET ngayon ng pamahalaan ng Thailand sa loob ng limang taon ang $62-B na investment para sa pagpapalago ng industrial sector. Ayon kay spokesman Thanakorn Wangboonkongchana, inilatag nito ang 2023-2027 plan ng pamahalaan na nakatakdang mag-invest ng mga electric vehicle at medical technology sa bansa. Inaasahan naman ng pamahalaan ang 400 to 500 billion baht investment kada taon ng bansa na siyang tugon upang mapataas ng 5% ang economic growth sa taong 2024. Pangungunahan naman ng Eastern Economic Corridor ang pakikipag-ugnayan nito sa mga negosyante upang makamit ang target na investment ng bansa. Samantala, sa 2018-2022 plan ng Thailand, umabot na sa 1.8 trillion baht ang investment budget nito na mas mataas kaysa sa target nito na 1.7 trillion baht. [embedded content] Follow SMNI NEWS in Twitter

NAITALA ng Japan kahapon ang pinakamataas na rekord ng Coronavirus kung saan mahigit sa 255,000 ang bilang ng mga bagong kaso ng COVID-19 sa ikapitong wave ng pandemya. Dahil sa mabilis na pagkalat ng nakahahawang Omicron BA.5 subvariant lumagpas na sa dating record tally na 250,403 noong Agosto 10 ang naitalang kaso kahapon Agosto 18. At inaasahang tataas pa ang bilang ng impeksyon dahil sa mas pinipiling magbiyahe ng karamihan sa panahon ng bon summer holiday na walang anumang restriksyon. Nanawagan naman si Health Minister Katsunubo Kato sa lahat ng mamamayan na manatiling nakaalerto sa patuloy na pagtaas ng impeksyon kasabay ng pagtaas ng hospital bed occupancy rate, death toll, at bilang ng pasyente na may malubhang sintomas ng COVID-19. Samantala, nasa 17 prefecture kabilang ang Yamagata at Tokushima ang nakitaan ng pagtaas ng bilang ng mga bagong kaso mula noong nakaraang linggo. [embedded content] Follow SMNI NEWS in Twitter

NABAHALA ang isang mambabatas dahil hanggang ngayon hindi pa nagagamit ang cancer assistance fund ng pamahalaan ilang buwan bago matapos ang taong 2022. Sa panayam ng SMNI News kay Kabayan Partylist Rep. Ron Salo, giit nito na wala pang bawas ang mahigit P700-M na pondo para sa Cancer and Supportive-Palliative Medicines Access Program at mahigit P500-Million para sa Cancer Assistance Fund. “Para sa taong 2022, umaabot po sa around P3.2 Billion ang nilaan po ng pamahalaan para sa ganitong pagtulong sa mga may cancer and yet as of the moment, wala pa pong nagagastos kahit singko,” pahayag ni Salo. Para sa mambabatas, kung nagamit lang ang pondo ay marami na sanang  natulungang Pinoy na may cancer. “Imagine from January to August at 4 months nalang po ang naiwan [sa taong 2022] kamusta po kaya yung mga dapat natulungan? So most likely wala na po sila. Maaring namatay o maaaring natutuloy na nalulugmok po sila doon sa kanilang kinahaharap na health issue, health concern,” ayon...

HINARANG ng Bureau of Customs (BOC) nitong Huwebes, August 18 ang isang cargo vessel na may kargang saku-sakong asukal. Lulan ng barkong MV Bangpakew ang 7,000 metric tons ng asukal. Ayon kay BOC Acting Commissioner Yogi Felimon Ruiz, ‘recycled’ ang mga dokumento na iprinesenta ng barko. Sinasabing ang mga saku-sakong asukal ay inimport mula sa bansang Thailand. Matatandaan na kahapon ay 2 warehouse ng asukal ang sinalakay ng BOC dahil sa ulat ng hoarding at smuggled ang produkto. [embedded content] Follow SMNI NEWS in Twitter

MATINDI ang political will ni dating Pangulong Rodrigo Roa Duterte laban sa lahat ng uri ng krimen noong ito pa ang namumuno sa bansa. Sa larangang ito nakaka-miss ang Duterte administration ayon kay Volunteers Against Crime and Corruption (VACC) President Arsenio Evangelista sa panayam ng SMNI News. Matatandaang kamay na bakal ang ipinaiiral ni dating Pangulong Duterte laban sa illegal drugs, carnapping, kidnapping, robbery, hold-up, rape cases, opportunity crimes at iba pa. Ito ang inihayag ni Evangelista kaugnay sa sunod-sunod na kidnapping at sa tumataas na crime rate ngayon sa bansa. Binigyang importansya ni Evangelista na mas nakatutulong sa seguridad sa bansa kung may pronouncement ang gobyerno hinggil sa peace and order at pagpatutupad ng curfew. Kung mataas aniya ang crime rate ng isang bansa, nakakaapekto ito sa ekonomiya at maging sa turismo. Panawagan ngayon ng VACC, kailangang mapatatag ng Marcos administration ang kanilang plataporma hinggil sa isyung ito at isan...

POSIBLENG hindi na mapopondohan sa taong 2023 ang National Integrated Cancer Control Program at Cancer Assistance Fund. Sa panayam ng SMNI News, ipinabatid ni Kabayan Party List Rep. Ron Salo na sa nalalabing 4 na buwan ng taong 2022 ay hindi pa nagamit ng maraming cancer patients ang pondong nakalaan para dito. Sa ilalim ng 2022 National Budget, P786.95-M ang inilaan para sa Cancer and Supportive Palliative Medicines Access Program at P529.2-M naman para sa Cancer Assistance Fund. Ikinabahala naman ito ng kongresista dahil batay sa ulat noong 2020, 252 ang average daily cancer deaths ang naitatala sa bansa. Ibig sabihin, kung hindi man lang ito nagamit ay malamang mas marami pa ngayon ang mga cancer patient na namamatay na walang tulong mula sa pamahalaan. Ipinanawagan naman ng kongresista sa Department of Health (DOH) na gamitin ang pondong nakalaan para dito. Samantala, pinag-uusapan na aniya sa Kongreso ang paglunsad naman ng online medical consultation lalung-lalo na sa m...

HUMIGIT-kumulang 38,400 metric tons ng bigas na pinaniniwalaang naipuslit mula sa Vietnam at nagkakahalaga ng mahigit P1-B ang ibinaba sa Port of Iloilo at inilabas ng Customs authorities ng pantalan. Ayon sa Bureau of Customs (BOC) na ang kargamento ng bigas ay dumating sa 10 barko nitong Huwebes ng hapon. 7 barko ang nagdiskarga ng kanilang mga kargamento, habang ang 3 pang iba ay naghihintay ng kanilang turn sa pagdaong. Sinabi ng Customs na dumating ang mga barko sa pagitan ng Agosto 4 at 13. Samantala kinilala ang anim sa mga sasakyang pandagat bilang MV Hai Ha 58, na may 3,800 metric tons na bigas na naka-consign sa Kingfields Rice Solutions Inc., MV Hoa Binh 54 na may 4,800 metric tons na naka-consign sa Farmint Corp., MV Hai Dang 168 na may 400 metric tons na naka-consign sa Marolao Gen. Mdse., at RLO Farm, at isa pang 2,000 metric tons na naka-consign sa Pro Success Trading Corp. [embedded content] Follow SMNI NEWS in Twitter

MAYROON na ring TikTok account si Press Secretary Trixie Cruz-Angeles , isang government official, lawyer, radio commentator at isang vlogger. Gamit ni Cruz-Angeles ang account na @seccruzangeles sa TikTok. Una nag-post ito ngayong linggo ng #grwm o get ready with me kung saan naghahanda ito para sa press briefing ng Palasyo at nagiimbita ng mga follower upang tingnan ang kanilang mga routine. Ang kanyang pinakahuling TikTok ay isang recap sa katatapos lamang na oath-taking ng mga bagong miyembro ng Bangsamoro Transition Authority (BTA), interim government ng Bangsamoro Autonomous Region sa Muslim Mindanao (BARMM) sa Palasyo ng Malacañang sa Maynila nitong Biyernes. Sa ngayon, mayroon ng 14,500 na follower si Cruz-Angeles sa kanyang TikTok account. Maliban sa TikTok account, mayroon ding dalawang Facebook pages si Cruz-Angeles at ang Office of the Press Secretary gayundin ang mga Twitter account. Ang opisina rin ni Angeles ang namamahala sa Facebook page ng Office of the Preside...

MAS paiigtingin pa ng Philippine National Police (PNP) ang visibility ng mga tauhan nito dahil sa insidente ng pagdukot sa mga nakalipas na araw. Ito ang inihayag ni PNP spokesperson Police Col. Jean Fajardo sa panayam ng SMNI News base sa direktiba ni PNP chief Police General Rodolfo Azurin, Jr. Nilinaw naman ni Fajardo na iba-iba ang dahilan ng pagdukot at pagpatay noong mga nakalipas na araw. Tiniyak naman ni Fajardo na nasampahan na ng kaso ang suspek sa insidente ng pagdukot at pagpatay sa Bustos, Bulacan. Ani Fajardo, matibay ang ebidensya laban sa suspek dahil sa positive identification. Dagdag pa ni Fajardo, nahuli na rin ang suspek sa pagdukot at pagpatay na nangyari sa Malolos, Bulacan. Nanawagan naman si Fajardo sa mga tanod na mag-ronda sa gabi upang maiwasan ang mga ganitong klaseng insidente. [embedded content] Follow SMNI NEWS in Twitter

PLANTSADO na ang panukalang P5.268 trilyong national budget para sa susunod na taong 2023. Nakatakdang isumite sa Kongreso ang unang full-year budget plan ng administrasyong Marcos sa susunod na linggo. Naiprenta sa oras ng Department of Budget and Management (DBM) ang mga dokumento ng 2023 National Budget  bago ang pagsusumite nito sa Kongreso sa Lunes, Agosto 22. Ito ang  kinumpirma ni DBM Undersecretary Joselito Basilio sa isang Economic Forum sa Maynila. Ang planong pagsusumite sa panukalang pambansang pondo sa Kamara ay alinsunod sa timeline na nakapaloob sa 1987 Constitution. Base sa nakasaad sa konstitusyon, kinakailangang isumite ang proposed national budget, 30 araw mula sa pagbubukas ng regular session ng Kamara. Samantala, ayon naman kay Budget Secretary Amenah Pangandaman sa isang pre-recorded video message, naging abala ang DBM sa paggawa ng isang badyet na hindi lamang tumutugon sa mga pangangailangan ng panahon, ngunit naaayon sa mga prayoridad ni Pangul...

MAINIT na sinalubong ni AFP Western Command (WesCom) commander Vice Admiral Alberto Carlos si National Security Adviser (NSA) Secretary Clarita Carlos sa pagdating sa Palawan. Agad na nakipagpulong si Secretary Carlos sa mga opisyal at tauhan ng WesCom sa Antonio Bautista Air Base sa Puerto Princesa City. Mula sa Palawan, sumakay ng military aircraft si Secretary Carlos patungong Pag-asa Island sa West Philippine Sea (WPS) kung saan nakipagpulong siya sa mga opisyal ng local government unit (LGU) ng Kalayaan, militar, at mga lokal na residente. Ayon kay Vice Admiral Carlos, ang pagbisita ni Secretary Carlos ay nagpapakita ng iisang adhikain, matatag na paninindigan, at hindi natitinag na dedikasyon upang protektahan ang mga mamamayan at ang estado. [embedded content] Follow SMNI NEWS in Twitter

PINAGTIBAY ng Pilipinas at Japan ang mga usapin kaugnay sa economic cooperation ayon sa Department of Foreign Affairs (DFA). Kinumpirma ng Foreign Affairs na nag-usap sa telepono sa pangalawang pagkakataon si Secretary for Foreign Affairs Enrique A. Manalo at Japanese Foreign Minister Hayashi Yoshimasa. Sinabi ni DFA spokesperson Ma. Teresita Daza,  kabilang sa pag-uusap ng dalawang ministro ang mga prayoridad ng Pilipinas sa ilalim ng bagong administrasyon ni Pangulong Ferdinand Marcos, Jr. “The two Ministers discussed PH priorities under the new administration of President Ferdinand Marcos Jr., such as in energy, agriculture and food security, as well as regional and international issues,” pahayag ni Daza. Ito’y may kinalaman sa enerhiya, agrikultura, at food security, gayundin sa regional at international issues. Interesado ang gobyerno ng Japan na suportahan ang Pilipinas na maging upper middle-income economy. Bukod sa kooperasyong pang-ekonomiya, sina Manalo at Haya...

INAASAHAN na ang pagdami ng mga pampublikong transportasyon sa lansangan sa Lunes, Agosto 22, kasunod ng pagbubukas ng mga pre-pandemic non- EDSA routes. Ito ang inanunsyo ni Land Transportation Franchising and Regulatory Board (LTFRB) Chief Atty. Cheloy Garafil kahapon, araw ng Miyerkules, kung saan tinatayang nasa 133 ruta ang magbubukas kasabay ng unang araw ng pasukan. Kabilang sa bubuksan ay nasa 52 jeepney routes, 32 UV Express routes, at 33 non-EDSA City bus routes na pansamantalang tinanggal ng ahensya dahil sa COVID-19 pandemic . Ani Garafil, inaasahang nasa 11,000 mga pampublikong transportasyon ang makikinabang sa nasabing pagbubukas ng ruta. Kasunod ito ng pagpapalabas ng dalawang Memorandum Circulars mula sa LTFRB, MC 2022-067 at MC 2022-068 na magiging epektibo ngayong araw ng Huwebes. Pagtitiyak naman ni Garafil na ang mga nasabing ruta ay dadaan sa mga lugar na mayroong maraming paaralan gaya na lang ng University Belt sa Maynila. Epektibo ngayong araw ang pagku...

NAKATAKDANG magpulong ngayong umaga ang pamunuan ng San Lorenzo at DepEd NCR upang pag-usapan ang mga dapat gawin upang matulungan ang mga estudyanteng apektado ng kanilang pagsasara. Nitong Miyerkules ng hapon, opisyal na natanggap ng DepEd- NCR ang sulat mula sa Colegio de San Lorenzo ukol sa kanilang permanenteng pagsasara. Sumulat din ang DepEd sa Colegio de San Lorenzo para sa isang pagpupulong na nakatakdang gawin ngayong umaga. Maliban sa pagpapaliwanag sa eskwelahan dahil sa biglaang pagsasara nito, igigiit din ng DepEd ang agarang refund ng tuition fees. “Ano ‘yung pinapagawa natin sa kanila to explain kung bakit sila magsasara but more significantly ano ‘yung mga plano nila para doon sa mga mag-aaral o learners na nasa school nila na parang madi-displace ngayon. So ‘yun po talagang gusto nating maresolbahan dito. It’s really to find a way na makapasok pa rin sa school ‘yung mga learners,” pahayag ni Poa. Handa namang tanggapin ng ilang paaralan ang mga estudyanteng ...

SINALAKAY ng Bureau of Customs (BOC) ang isang warehouse na umano’y nagho-hoard ng libu-libong sako ng asukal. Ito ay sa gitna ng mga reklamo ng mga mamimili sa mataas na presyo ng asukal sa merkado. Ayon kay Press Secretary Trixie-Cruz Angeles, sinalakay ng mga operatiba ng Clark-Based Customs Intelligence and Investigation Service (CIIS) at Enforcement and Security Service (ESS) – Quick Reaction Team ang Lison Building na kinaroroonan ng New Public Market sa Barangay Del Pilar sa San Fernando, Pampanga. Ang pagsalakay ay ginawa sa utos ni Executive Secretary Victor Rodriguez alinsunod sa direktiba ni Pangulong Ferdinand Marcos Jr. sa BOC na gamitin ang kanilang visitial powers sa lahat ng Customs bonded warehouse at upang suriin ang imbentaryo ng mga imported na produktong agrikultura na may layuning malaman kung mayroong hoarding ng asukal. Sinabi ni Rodriguez na ang pagsalakay ay babala na rin sa mga unscrupulous traders na kasalukuyang nag-iimbak ng kanilang mga stock ng asu...

Libu-libong mga pasahero na ang namonitor ng Philippine Coast Guard (PCG) sa mga pantalan sa iba’t ibang bahagi ng bansa bago ang pagbabalik eskwela sa Lunes, Agosto 22, 2022. Sa Oplan Balik Eskwela 2022, sinabi ng PCG na kabuuang 10,739 outbound passenger at 8,792 inbound passenger na ang namonitor sa lahat ng pantalan sa bansa. Nasa 2,239 PCG personnel naman ang idineploy sa 15 PCG District para inspeksyonin ang 205 vessels at 198 motorbancas. Una nang inilagay ng PCG ang kanilang district, stations at sub-stations sa heightened alert status simula Agosto 1-29. Ito ay para matiyak ang kaligtasan at seguridad ng mga mag-aaral at iba pang pasahero na bumabiyahe sa dagat bilang paghahanda sa pagbubukas ng School Year 2022-2023. [embedded content] Follow SMNI NEWS in Twitter

INIHAYAG ni Department of Foreign Affairs (DFA) Secretary Enrique Manalo na ganap nang nakahanda ang Pilipinas na paghusayin ang mga umiiral na relasyon sa pagitan ng Pilipinas at ibang bansa. Gaya nga ng sinabi ni Pangulong Ferdinand Marcos, Jr., muling nagpaalala ang DFA na patuloy na isusulong ng bansa ang independent foreign policy kung saan friends to all, enemies to none ang Pilipinas. Sa isang meet and greet sa mga mamamahayag, inihayag ni Foreign Affairs Secretary Enrique Manalo na hindi lamang nakahanda na paghusayin ng bansa ang mga umiiral na relasyon kundi gayundin ang paglinang at pagbigkis ng mga bagong ugnayan. Dagdag din ng kalihim na bukod  dito nakahanda rin ang kagawaran na magsagawa ng naaangkop na mga diplomatikong aksyon, lalo na kung ito ay may kaugnayan sa proseso sa inter-agency at napatunayan na nilabag ang soberenya ng Pilipinas. Napakalinaw aniya ng sinabi ni Pangulong Marcos na hindi natin pababayaan kahit isang pulgadang parisukat ang teritoryo ng...

HINIMOK ni Senador Joel Villanueva ang gobyerno na gumawa ng pangmatagalang solusyon sa paglikha ng trabaho upang masugpo ang kahirapan sa bansa. Ito ang pahayag ng senador matapos iulat ng Philippine Statistics Authority (PSA) na umabot sa 18.1 porsyento ang poverty incidence sa bansa noong 2021, na katumbas ng 19.99 milyong Pilipino na nagsasabing sila ay mahirap. Samantala, ang unemployment rate noong 2021 ay  nasa 7.8 porsyento, o 3.71 milyon na Pilipinong walang trabaho. “Dapat siguruhin ng gobyerno na merong oportunidad ang mga Pilipino na makakuha ng dekalidad na trabaho para makatakas mula sa kahirapan. Sustainable dapat ang mga trabahong ito na may sapat na kita para magpakain ng pamilya at magbigay ng basic needs. Kung mas matagal na walang trabaho ang ating mga kababayan, mas lalo silang maghihirap,” sabi ni Villanueva. Kaya inihain ni Villanueva ang Senate Bill No. 129 o ang Trabaho Para sa Lahat ng Pilipino Act na magtatalaga ng National Employment Recovery S...

TUMALON ang isang lalaking pasahero ng LRT-1 sa riles habang tumatakbo pa ang tren papalapit sa Monumento station kaninang madaling araw ng alas kwatro. Ito ang kinumpirma ng tanggapan ng Light Rail Manila Corporation, ngayong araw ng Miyerkules. Dahil dito, naging limitado ang operasyon mula Baclaran hanggang Blumentritt station, pero pasado alas singko ng umaga ay naibalik na ang buong operasyon sa linya ng LRT-1. Hindi na ibinahagi ang naging dahilan ng pagtalon ng lalaki, at kasalukuyan na itong nagpapagamot sa ospital. Follow SMNI News on Twitter

HINAMON ni Pastor Apollo C. Quiboloy , Honorary Chairman ng SMNI ang lahat ng mga opisyal na may kinalaman sa iligal na importasyon ng asukal na magretiro na sa pwesto. Ito ay kasunod ng pagresign ng ilang opisyal ng Sugar Regulatory Administration (SRA) matapos pumutok ang kontrobersiya sa ahensya ukol sa sugar importation. Ani Pastor Apollo, karapat-dapat na managot sa batas ang mga sangkot sa anomalya at korupsyon sa ahensya dahil ito ay maituturing na pagtataksil sa bayan. Kaugnay nito, mariing iginiit ni Pastor Apollo na isang paglapastangan ang paggamit sa pirma ng Pangulo. Matatandaan na pinirmahan ni dating Agriculture Undersecretary Leocadio Sebastian ang pangalan ni Pangulong Ferdinand “Bongbong” Marcos, Jr. sa Sugar Order No. 4 na layong mag-angkat ng 300,000 metric tons ng asukal nang walang pahintulot mula sa Punong Ehekutibo. Sa kabila nito, inihayag ng butihing Pastor na dapat matapat na mga opisyal ang italaga ng Pangulo sa pwesto upang mahinto na ang ganitong ur...

KINILALA ni Pangulong Ferdinand “Bongbong” Marcos, Jr. ang papel ng vice governors ng bansa bilang agents of change. Kaya panawagan ni Pangulong Marcos sa League of Vice Governors of the Philippines (LGVP) na makipagtulungan sa administrasyon. Ang panawagan ng Punong Ehekutibo ay kasunod ng naganap oath-taking ng mga opisyales ng LGVP sa Palasyo ng Malacañang. Inihayag pa ni Pangulong Marcos na idinalangin niya na ang bawat bise gobernador ay makikipagtulungan sa administrasyon upang makamit ang pagbabagong hangad para sa bansa. Nitong Agosto 16, nanumpa ang mga bise gobernador na magiging tapat na maglilingkod-bayan sa mga mamamayan ng kanilang mga probinsiya. Lubos naman ang pasasalamat ng Punong Ehekutibo sa mga bise gobernador na kasapi ng naturang liga. Ang LGVP ay binubuo ng vice governors ng 81 mga probinsiya sa bansa. Matatandaang noong Agosto 11, nakipagpulong din si PBBM sa mga miyembro ng League of Provinces of the Philippines (LPP). Natalakay sa nasabing pulong an...

PANSAMANTALANG unavailable ang ilang mga serbisyo ng Bank of the Philippine Island (BPI) sa Agosto 19 at 20, 2022. Ito ay dahil sa isasagawang system maintenance na layong pagandahin ang banking experience. Sa abiso, sinabi ng BPI na naka-iskedyul ang systems maintenance mula 10 pm sa Biyernes, Agosto 19 hanggang 2 pm sa Sabado, Agosto 2022. Kabilang sa mga serbisyo na unavailable ay ang BPI channels, ATMs at cash accept machines (CAMs), BPI online and BPI mobile app, BPI bizlink at BPI bizko, BPI debit cards, BPI services gamit ang BPI online credentials sa partner websites at apps, interbank funds transfer sa BPI, at funding ng BPI prepaid cards. Habang mananatiling available ang credit cards at prepaid cards service ng BPI. [embedded content] Follow SMNI NEWS in Twitter

INILUNSAD ng Department of Education (DepEd ) ang Oplan Balik Eskwela ngayong Lunes isang linggo bago ang pagbubukas ng klase. Kasabay nito ang pagbubukas ng Command Center ng DepEd na layong tugunan ang mga tanong, reklamo at iba pang concerns na karaniwang nararanasan ng publiko sa pagsisimula ng pasukan. Nakipatulungan ang DepEd sa iba’t ibang ahensya ng pamahalaan upang masiguro na maayos at mapayapa ang pagsisimula ng klase sa Agosto 22. Sa launching ng Oplan Balik Eskwela ng DepEd, inilatag ng 17 kagawaran ang kanilang mga plano at programa para sa matagumpay na School Year 2022-2023. Para sa kalusugan ng mga estudyante, nakatutok ang Department of Health (DOH) at Department of Social Welfare and Development (DSWD) dito. Palalakasin ng DOH ang kampanya sa pagbabakuna ng mga estudyante at guro laban sa COVID-19. Titiyakin din ng DOH ang ligtas na pagpasok ng mga bata sa pamamagitan ng maayos na pagpatutupad ng health protocols sa loob ng mga paaralan. Habang tuloy-tuloy na...

MAY payo ngayon ang Philippine Statistics Authority (PSA) para sa mga Pinoy na may problema sa kanilang birth certificate. Kabilang dito ang mga wrong spelling sa pangalan, maling kasarian, at iba pang hindi tugma na impormasyon. “Kung halimbawa mayroon kang error ng spelling sa’yong pangalan kailangan ma-address ito at kailangang mag-file ka ng petition for correction. Pag naitama na to that’s the time na masasabi natin yung iyong permanent o valid na birth certificate. Gayundin po ay exempted din po sa batas yung mga marriage po na records na nag-undergo na po ng annulment or declaration of nullity,” pahayag ni Marizza Grande, Assistant National Statistician ng PSA. Diin ni Grande, mahalaga na maitama ang impormasyon sa birth records dahil habambuhay na ngayon ang validity ng birth certificate. Pinawi naman ng PSA officer ang pangamba ng mga kababayan na baka kailangan pang dumaan sa korte ang pagpapalit ng spelling ng pangalan o pagtatama ng impormasyon sa birth certificate ...

TINIYAK ng Commission on Elections (COMELEC) na walang masasayang na balota kung sakaling ipagpapaliban muli ang halalan ng barangay at Sangguniang Kabataan (SK) ngayong Disyembre. Ani COMELEC Chairman George Garcia, walang dapat ipangamba dahil ang mga naiprocure na mga gamit tulad ng ballpen at balota ay maaring magamit sa susunod na halalan. Una nang nilahad ni Garcia na sisimulan na nilang mag-imprenta ng balota para sa darating na barangay at SK elections ngayong Disyembre. Ito ay para bigyan pa ng panahon ang ahensya na maberipika ang mga balotang gagamitin sa halalan. Sa kasalukuyan, tatlong panukala na sa Kongreso ang naihain upang ipagpaliban sa ibang petsa ang halalan, ito ay sa May 2023, December 2023 at May 2024. [embedded content] Follow SMNI NEWS in Twitter

BINANSAGANG “NPA Recruitment Queen” kahapon si Kabataan Party-list Representative Raoul Manuel ni former NTF-ELCAC Spokesperson Dr. Lorraine Badoy. Ito’y matapos maglabas ng pahayag ang nabanggit na kongresista na red-tagging queen umano si Vice President Sara Duterte. Matatandaan na una nang kinondena ng Ikalawang Pangulo ang mga gawa ng CPP-NPA-NDF sa pagre-recruit ng mga kabataan. Isa sa dahilan kung bakit tinawag ni Badoy na recruitment queen si Manuel ay dahil sa pag-recruit mismo nito sa isang estudyante ng UP na namatay sa sagupaan dahil sa mga aral at pag-uudyok ni Manuel na sumali, magtanggap ng armas at maging bahagi ng New People’s Army. “One such child that Raoul Manuel recruited was Marvin Cruz. ‘Yun lang ‘yung nalaman natin di ba pero actually maraming ni-recruit itong si Raoul Manuel and what happened to Marvin Cruz. Sumali siya…UP Visayas student ito. He joined the LFS, sa IBON pero through Raoul Manuel recruited him at the age of 17. And then he became an NPA an...

PINUNA ni Senate Committee on Public Works Chairman Senador Ramon Bong Revilla, Jr. ang mga hindi natapos na mga proyekto ng Department of Public Works and Highway (DPWH), patuloy na pagbaha sa mga lansangan at sobrang taas ng presyo ng mga gusali sa isinagawang pagdinig o organizational meeting ng Senado. Sa naturang pagdinig inusisa ni Revilla ang mga flagship project ng DPWH upang ilatag ang mga plano sa mga hindi pa natapos na proyekto. Ayon kay Revilla hindi maaaring magbingi-bingihan o magbulag-bulagan na lamang sila sa mga hinaing ng mga kababayan sa tulad ng kanyang mga napuna sa pagdinig. Sinabi rin ng batikang mambabatas na dapat ay laging may accountability sa pagtatayo ng ganitong imprastraktura dahil bilyon-bilyong piso galing sa kaban ng bayan ang nilulustay dito. “When we speak of public infrastructure we also know it entails billions of public funds. This is why as we work hand in hand in providing projects for the people we have to guarantee that it is always gu...

NAGPAHAYAG ng interes ang Chinese at Japanese government na tutulong ito sa Pilipinas para sa pagpapalakas ng ekonomiya ayon sa Department of Transportation (DOTr). Ayon kay DOTr Secretary Jaime Bautista, muling nagkasundo ang Chinese government at ang Pilipinas para sa malalaking proyekto ng bansa. Ayon kay Bautista, personal niyang nakausap si Chinese Ambassador Huang Xilian nitong nakaraang araw para pag-usapan ang mga big-ticket project para sa sektor ng transportasyon. Sinabi ng kalihim, kabilang sa kanilang tinalakay ay ang mga pangunahing proyekto sa riles na pinondohan ng China gaya ng PNR South Long Haul Project North-South Commuter Railway, Subic-Clark Railway at Mindanao Railway Tagum-Davao-Digos. “About the projects that were not implemented that they need to support, ito ‘yung PNR and Mindanao rail and the Subic Clark Railway System. So ‘yun ang pinag-usapan namin, we talk about the some issues and we agreed to again re-visit the projects,” pahayag ni Bautista. M...

INUTUSAN ng National Telecommunications Commission (NTC) ang tatlong major telecommunication companies sa bansa na paramihin ang kanilang cell towers. Kabilang sa pinagagalaw ng NTC ang Globe, Smart at DITO Telecoms. Sa isang liham na pirmado ni NTC Commissioner Gamaliel Cordoba, inatasan nito ang mga nabanggit na kumpanya na paramihin pa ang kanilang towers sa mga liblib at malalayong lugar para makatulong sa mga micro, small and medium enterprises. Nag-ugat naman ang order ng NTC sa request ni House Minority Leader at 4Ps Party-list Rep. Marcelino Libanan. “At alam niyo po ‘yung internet napakaraming impormasyon na makukuha natin doon. Kung anong hanapbuhay ang gusto mo, pipindot ka lang niyan. Ang daming hanapbuhay na maibibigay niya at kung anong gagawin mo. Kahit yung pagre-repair ng kung ano-ano kumpleto po sa internet. So, kung magkakaroon tayo ng mga cell sites, mga signals na mga mabibilis ito po ay magiging source ng napakaraming tinatawag na impormasyon ng ating mga ta...

HINDI dapat katakutan ang teroristang grupong CPP-NPA-NDF na kalaban ng estado. Ito ang hayagang sinabi ni SMNI Honorary Chairman Pastor Apollo C. Quiboloy sa kanyang programang Sounds of Worship noong Linggo. Ayon kay Pastor Apollo, misyon niyang alisin ang pagkatakot ng mga Pilipino mula sa ideolohiyang walang Panginoon na ito ng teroristang grupo. Dagdag pa ng butihing Pastor, tao rin ang mga ito kaya hindi dapat na katakutan. Bukod pa dito, binigyang-diin din ni Pastor Apollo na babagsak na ang CPP-NPA-NDF dahil mas makapangyarihan aniya ang Panginoon laban sa mga ito. Sa ngayon, patuloy na pinangunahan ni Pastor Apollo ang paglantad ng mga karahasan ng teroristang grupong CPP-NPA-NDF at ang ginagawang pangrerecruit ng mga ito ng mga kabataan para sa kanilang armadong pakikibaka na layong pabagsakin ang gobyerno. Partikular na rito ang mga party-list group na tinukoy ng gobyerno na mga legal front ng komunistang grupo at nangunguna sa kanilang recruitment tulad ng Kabataan...

ILULUNSAD ng Department of Education (DepEd) ang Oplan Balik Eskwela – Public Assistance Command Center (OBE-PACC) na may temang “Kapit-Bisig Para sa Mas Ligtas na Balik-Aral” ngayong araw. Bukas ang Public Assistance Command Center hanggang Agosto 26. Ayon kay Atty. Michael Poa, tagapagsalita ng DepEd, layunin ng command center na mabilis na matugunan ang mga problemang posibleng harapin sa muling pagbubukas ng mga paaralan sa darating na Agosto 22. Dagdag ni Poa, naiintindihan nila pagkatapos ng 2 taong nasa blended learning o walang face-to-face classes sa bansa ay mag-a-adjust ang lahat. Ang OBE ay two-week national activity ng DepEd na layong tugunan ang mga tanong, reklamo, at iba pang concerns na karaniwang nararanasan ng publiko sa pagsisimula ng pasukan. Samantala, umabot na sa halos P20 milyon o 19,819,047 ang mga nakapagpatalang mag-aaral na papasok sa Kindergarten hanggang Grade 12 sa mga pampubliko at pribadong paaralan sa buong bansa. Sa datos mula sa Learner Infor...

NASABAT ng Bureau of Customs (BOC) -Port of Cagayan de Oro ang panibagong 12 containers na naglalaman ng agricultural products mula sa Mindanao International Container Terminal Port, Tagoloan sa Misamis Oriental noong Agosto 11, 2022. Ayon sa BOC, nag-isyu si District Port Collector Attorney Elvira Cruz ng Pre-Lodgment Control Orders (PLCOs) laban sa shipments matapos makatanggap ng derogatory information sa posibleng misdeclaration ng produktong agrikultural. Sinabi ng BOC na idineklara ang kargamento bilang “spring roll patti” at “plain churros” ngunit nadiskubre na ito ay mga pula at puting sibuyas na nagkakahalaga ng P36 milyon. Ang shipments ay mula China at naka-consigned sa Frankie Trading Enterprises and Primex Export and Import Producer. Maglalabas naman ang BOC ng warrants of seizure and detention laban sa shipments dahil sa paglabag sa Section 1400 (Misdeclaration of Goods) at Section 117 (Regulated Importation) ng Republic Act (RA) 10863 o ang Customs Modernization an...

BAGSAK pa rin ang approval rate ni Pangulong Joe Biden ayon sa pinakahuling poll. Malaking porsiyento ng mga Amerikano ang hindi pa rin bilib at negatibo ang pananaw sa kasalukuyang ekonomiya ng Estados Unidos ayon sa huling survey sa Amerika. Humigit kumulang 69 porsiyento ng mga tao sa Estados Unidos ang nagsasabing lumalala ang ekonomiya ng Amerika, habang mababa rin ang approval rating ni Pangulong Biden sa iba’t ibang isyu ng bansa. Ayon sa poll na isinagawa ng ABC News at Ipsos, 12 porsiyento lamang ng mga Amerikano ang positibo sa nangyayari sa ekonomiya ng Amerika habang 18 porsiyento ang nag-iisip na ito ay nananatiling pareho. Ang bilang na ito ay umabot sa pinakamataas na punto noong 2008 nang umakyat ito sa 82 porsiyento sa panahon ng Great Recession. Ang mga pananaw ng mga Amerikano sa paghawak ng Pangulo sa pagbawi ng ekonomiya ay nanatiling labis na negatibo at halos hindi nagbabago mula sa parehong poll noong unang bahagi ng Hunyo. Ang rating ni Biden sa inflat...

INIHAYAG ni Secretary Susan Ople na magiging tahanan na ngayon ng mga overseas Filipino workers (OFWs) ang Department of Migrant Workers (DMW) . Kasunod ng pagtatalaga ng mga pangunahing opisyal ng kagawaran ngayong araw. Nanumpa na kay DMW Sec. Susan Toots Ople ang mga mga bagong talagang opisyal ng kagawaran. Kabilang sa nanumpa si dating Philippine Overseas Employment Administration (POEA) administrator na ngayon ay Undersecretary for Licensing and Adjudication Services at mananatiling OIC ng POEA si Atty. Bernard Olalia. Nanumpa rin si dating Overseas Workers Welfare Administration Administrator (OWWA) na ngayon ay Undersecretary for Welfare and Foreign Employment na si Atty. Hans Leo Cacdac. Ang dating OWWA Deputy Administrator Asec. Arnell Ignacio ay nanumpa na rin bilang administrator ng ahensya via Zoom. Gayundin si Undersecretary for Finance and Internal Affairs Anthonette Velasco Allones. Si Velasco-Allones ay dating head ng Tourism Promotion Board at dati na ring DOL...

PINANGUNAHAN ni Pangulong Ferdinand “Bongbong” Marcos, Jr. ang panunumpa ng bagong itinalagang mga miyembro ng Bangsamoro Transition Authority (BTA) sa Malakanyang ngayong araw. Pinangalanan ni Pangulong Marcos ang bagong 80 mga miyembro ng BTA na kinumpirma ni Press Secretary Trixie Cruz-Angeles. Ayon kay Cruz-Angeles, nanumpa ang newly-appointed members at chief minister ng BTA Parliament for 2022-2025. Inihayag naman ni Executive Secretary Vic Rodriguez na sinaksihan ni UN Resident Coordinator Gustavo Gonzales at iba pa ang naturang oath-taking ceremony na ginanap sa Palasyo ng Malakanyang. Ibinahagi rin ni Presidential son at Ilocos Norte Rep. Ferdinand Alexander “Sandro” Marcos sa kanyang official social media account ang naganap na oath taking sa Malakanyang. Naka-upload naman sa official Facebook page ng Bangsamoro government ang listahan ng BTA members. Mananatili si Moro Islamic Liberation Front (MILF)  Chairman Ahod Balawag Ebrahim bilang BTA interim chief ministe...