Pondo para sa cancer assistance ng pamahalaan na hindi nagagamit, pinaiimbestigahan sa Kamara

NABAHALA ang isang mambabatas dahil hanggang ngayon hindi pa nagagamit ang cancer assistance fund ng pamahalaan ilang buwan bago matapos ang taong 2022.

Sa panayam ng SMNI News kay Kabayan Partylist Rep. Ron Salo, giit nito na wala pang bawas ang mahigit P700-M na pondo para sa Cancer and Supportive-Palliative Medicines Access Program at mahigit P500-Million para sa Cancer Assistance Fund.

“Para sa taong 2022, umaabot po sa around P3.2 Billion ang nilaan po ng pamahalaan para sa ganitong pagtulong sa mga may cancer and yet as of the moment, wala pa pong nagagastos kahit singko,” pahayag ni Salo.

Para sa mambabatas, kung nagamit lang ang pondo ay marami na sanang  natulungang Pinoy na may cancer.

“Imagine from January to August at 4 months nalang po ang naiwan [sa taong 2022] kamusta po kaya yung mga dapat natulungan? So most likely wala na po sila. Maaring namatay o maaaring natutuloy na nalulugmok po sila doon sa kanilang kinahaharap na health issue, health concern,” ayon pa ni Salo.

Sa budget process sa Kongreso, giit ni Salo na mahirap magsulong ng isang programa na mapondohan ng pamahalaan.

Kaya dapat ginamit ng Department of Health (DOH) ang pondo para sa anti-cancer program.

Batay sa kasalukuyang datos 153,000 ang new cancer cases sa bansa habang nasa 92,000 ang mga namatay na Pinoy noong 2020.

“Number 2, mangyayari po yan kung hindi nagagastos, sa susunod na taon maaaring mawala po ‘yung pondo na hindi pondohan oh di kaya mababawasan ang pondo na inilalalaan dahil alam po ng ating Department of Budget and Management na wala silang kakayahan na gastusin po ito,” ani Salo.

Pinaiimbestigahan naman ni Salo sa House Committee on Health sa kanyang House Resolution Number 252 ang DOH kung bakit hindi nagagamit ang pondo.

“Bakit ganito po kalaki at ano ang nangyayari? At after 8 months, hindi po nagastos o hindi po nagamit ‘yung pondo na nilaan po sa mga kababayan natin na may cancer,” ani Salo.

Follow SMNI News on Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more