AFP, tinanggap ang bagong SMNI PAARU Reservists

TINANGGAP ng Armed Forces of the Philippines (AFP) ang mga bagong reservists sa ilalim ng 2nd Metro Davao Signal Battalion-SMNI PAARU sa isang seremonya na dinaluhan ng army officials at ni Pastor Apollo C. Quiboloy, ng The Kingdom of Jesus Christ at ang Honorary Chairman ng Sonshine Media Network International, World Missionary Chaplain at World Ambassador for Peace.

Simula Pebrero 25 taong 2015, ang SMNI ay may ugnayan na sa Philippine Army Affiliated Reservist Unit (PAARU) kung saan may unit designation ito na 2nd Metro Davao Signal Battalion.

Bilang 2nd Signal Battalion PAARU, ang pangunahing misyon ng SMNI ay tumulong at pangunahan ang mga programa ng national government at AFP sa pamamagitan ng pag-bobroadcast sa radyo at telebisyon gamit ang mga pasilidad at kapabilidad ng SMNI at tumulong o magsagawa rin ng mga humanitarian activity tuwing may mga kalamidad at ipakita ang mga programa at misyon ng 11th RCDG sa pamamagitan ng broadcast media.

Dahil sa pagiging makabayan ni Chaplain Brig. General Ptr. Apollo C. Quiboloy at sa kanyang pagpapahalaga sa disiplina ng militar, isinasagawa ang Military Orientation Training (MOT) kada taon.

Mula noong 2012, opisyal na pinangasiwaan ng 11th RCDG ang MOT sa SMNI reporters, staff, at personnel, at bunga nga rito ang daan-daang enlisted reservist personnel sa ilalim ng 2nd Metro Davao Signal Battalion-SMNI PAARU bawat taon.

Dahil niluwagan na ang mga restriksyon na ipinatupad mula nang magkaroon ng pandemya, ang SMNI sa pamamagitan ng pamumuno ng butihing Pastor ay ipinagpatuloy ang pagsasanay ngayong taon, na nakapag-prodyus naman ng 106 na bagong trainees.

Ang closing ceremony ay dinaluhan ng mga opisyal ng army kabilang sina Major Gen. Nolasco Mempin, commander ng 10th Infantry Division, 1003rd Brigade Commander, Brigadier Gen. Consolito Yecla, commander ng Naval Forces Eastern Mindanao Commodore Carlos Sabarre, at Task Force Davao Commander Col. Darren Comia at marami pang iba.

Pinasalamatan din nina Major Gen. Mempin at Brigadier Gen. Yecla si Chaplain Brig. General Pastor Quiboloy para sa pagpapakilos ng SMNI PAARU bilang tulong sa Philippine Army.

“Yes, we are very grateful and appreciative doon sa programa, sa effort ni Pastor Quiboloy, was founded 2015 pa itong PAARU na ito at masasabi natin na very noble itong intention, even sa part ng media na makatulong talaga because alam naman natin na, malaki ang role ng media sa nation-building and peace building,” ayon kay Mempin.

“And bilang SMNI as PAARU, malaking pasalamat ko bilang isang brigade commander sapagkat naging bahagi, naging partner namin iyong SMNI lalo na sa counter insurgency operations, gusto kong i-emphasize na, in the area of 1003rd Brigade na achieve na natin ung 100 percent clearing and neutralization of all NPA Units dito sa area natin, at ito ay na attain natin sa tulong ng SMNI no kasi napaka ganda ng advocacy ng SMNI  in fighting against the insurgents,” ayon naman kay Yecla.

Samantala, binigyang-diin ni Chaplain Brig. Gen. Pastor Apollo C. Quiboloy ang commitment ng SMNI sa pagtulong sa gobyerno sa paglaban nito sa insurhensya, terorismo, mga kalamidad, at humanitarian response.

“SMNI is about peace, of not only in the military, but the whole Filipino nation against this salot no, na tinatawag na mga CPP-NPA-NDF,” pahayag ni Pastor Apollo.

“Yes ipagpapatuloy talaga, kaya meron tayong Laban Kasama ang Bayan kasi patuloy ang ating laban sa buong Pilipinas yan na malinis na talaga, surrender na lahat. Itong ating malaking bangungot sa Pilipinas na dulot ng CPP-NPA-NDF,” ayon pa kay Pastor Apollo.

“Well, iyong 2nd Military Division ng Signal Battalion under PAARU, yun ang SMNI that’s under me, so being had the rank of Brig. General World Missionary Chaplain, and World Peace Ambassador, I am here to augment whatever it is necessary to help our country to the composite of this military battalion. So iyon ang ating reserved force, iyong PAARU natin dito,” dagdag ng butihing Pastor.

Ang PAARU ay nagsasagawa ng taunang military training upang itaas ang kamalayan at basic military skills na malaking tulong sa pamahalaan sa oras ng mga sakuna o kalamidad.

Follow SMNI News on Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more