Collective Bargaining PH

PAGPUPULUNGAN ng ilang government officials ang imbestigasyon ng International Criminal Court (ICC) sa war on drugs ng Duterte admin. Kinumpirma ng Office of the Solicitor General (OSG) na magtatakda sila ng pakikipagpulong sa Department of Foreign Affairs (DFA) , Department of Justice (DOJ), international law experts at sa Office of the President. Sinabi ni Solicitor General Menardo Guevarra na ilalatag niya sa isasagawang pulong ang ilang  opsyon kaugnay sa nakaambang imbestigasyon ng International Criminal Court (ICC), patungkol sa mga kaso ng pagpatay sa drug campaign noong Duterte admin. Kabilang sa binalangkas o nais ni Guevarra ay hamunin ang hurisdiksyon ng ICC sa kaso at ikalawa ay nais nitong manatiling bukas ang komunikasyon ng Pilipinas sa ICC. Nauna rito ay pinagkokomento kasi ng ICC ang Pilipinas para sagutin ang hiling ng prosekusyon na muling buksan ang imbestigasyon sa mga napatay sa war on drugs. Binigyan naman ang Pilipinas ng hanggang sa September 8, 2022...

SINANG-ayunan ni Pangulong Bongbong Marcos na panatilihin ang umiiral na COVID-19 Alert Level System sa pansamantala. Nakipagpulong si Marcos kay Department of Health Officer-In-Charge Undersecretary Maria Rosario Vergeire at ilan pang opisyal ng Department of Health (DOH) nitong Hulyo 18. Ginanap ang naturang pulong sa Aguinaldo State Dining Room sa Malacañang Palace at sumentro ang pag-uusap sa usapin ng COVID-19 pandemic. Sa naturang pulong, sinabi ni Pangulong Marcos na mananatili muna sa ngayon ang umiiral na COVID-19 Alert Level System upang maiwasan ang kalituhan. Ito ay habang tinatarget ng pamahalaan na ma-reclassify ang implementasyon ng restriksyon na tugma sa kasalukuyang milder strains na nagpapahirap sa mga pasyente. Inihayag naman ng health authorities na maaari silang makabuo ng bagong alert level classifications sa kalagitnaan ng Agosto. Sinabi ni Usec. Vergeire, isang angkop na panahon ang kalagitnaan ng Agosto upang paluwagin ang pangamba ng medical community...

NAGKAISA ang Department of Agriculture (DA) at Japan International Cooperation Agency (JICA) tungo sa pagsagawa ng vegetable value chain program para sa Pilipinas. Sa isang pahayag, isang 5 year Market Driven Enhancement of Vegetable Value Chain Project (MV2C) ang bubuuin nila alinsunod na rin sa mandato ni Pangulong Ferdinand “Bongbong” Marcos tungo sa pagkakaroon ng sapat na suplay ng pagkain sa bansa. Sa katunayan, sinimulan na ang value chain survey sa Benguet at Quezon na kilala bilang vegetable producing provinces. Maliban pa sa MV2C, nagsagawa rin ng workshops ang DA para ma i-validate ang survey results at magawa na ang roadmap. Tampok sa workshops ang vegetable industry stakeholders, magsasaka, mga kaugnay na government agencies at iba pa. Ang naturang roadmap ay magiging susi upang matukoy ang mga hamon at solusyon tungo sa pagkakaroon ng stable na vegetable chain sa bansa. [embedded content] Follow SMNI NEWS in Twitter

KASUNOD ng pagkumpleto ni Pangulong Ferdinand “Bongbong” Marcos, Jr ng kanyang isolation period, ay muli nitong binigyang-diin sa mamamayan ang importansya ng pagpapabakuna at ng booster shots. Sa kanyang VLOG 219, ikinuwento ni Pangulong Marcos na pangalawang beses na niya ito na tinamaan ng coronavirus disease. Kaugnay nito, ibinahagi ni PBBM na malaking tulong aniya ang pagpapabakuna lalo na ang booster shot para hindi lumubha ang kanyang pakiramdam. “Kung hindi dahil sa vaccine at booster shot ay siguradong mas malubha ang naging tama ko at aking pakiramdam dahil yung aking naging sintomas ay kaunting lagnat, kaunting pangangati ng lalamunan. Pero hindi na talaga siya bumaba sa aking baga at naging kumplikado. Kaya yan ang mensaheng pinagtutulungan naming lahat ngayon,” ani PBBM. Saysay pa ni Marcos, hindi kailangang isabatas ang COVID vaccination,  gayunpaman, habang tumatagal ay mas lumilinaw aniya ang sinasabi ng siyensya, na malaking tulong mula sa nakamamatay na v...

INATASAN ng Philippine National Police (PNP) ang lahat ng mga hepe at station commanders na dagdagan pa ang visibility at crime prevention measures lalo na sa mga tourist spot ng bansa. Ang utos na ito ay mula kay Pangulong Ferdinand “Bongbong” Marcos Jr. upang madagdagan ang mga pulis na itatalaga sa mga tourist spot sa buong bansa upang matiyak ang parehong lokal at foreign visitors na maging ligtas sa mga masasamang tao. Inihayag ni PNP director for operations Maj. Gen. Valeriano De Leon na naiintindihan nila ang logic sa likod ng utos ng commander-in-chief na si Pangulong Marcos upang matiyak ang kaligtasan ng mga lugar sa bansa lalo na ang mga tourist spots. Dagdag pa ni De Leon, dapat ligtas ang mga tourist spot dahil bahagi ito sa recovery plan ng bagong administrasyon. Titiyakin din ni PNP OIC Lt. Gen. Vicente Danao Jr. na susunod ang lahat ng mga police commander hanggang precinct level at municipal police stations. Saad din ni De Leon na dapat madagdagan ang intelligen...

INIHAYAG ng tagapagsalita ng Chinese government na sa nakalipas na 6 na taon ay mas pinalalim pa ang ugnayan ng China at ng Pilipinas. Kabilang ang kooperasyon sa pagitan ng Belt and Road Initiative at mga programa tungo sa pag-unlad. Pero, kamakailan lang nang maglabas ng pahayag ang Department of Transportation (DOTr) hinggil sa pag-atras ng Chinese government sa pagpondo ng tatlong malalaking railway projects ng pamahalaan. Sinabi ni DOTr Usec. Cesar Chavez ng railways na umatras ang China sa pagpondo ng Calamba to Bicol, Tagum-Davao-Digos at Clark hanggang Subic. Sa isang interview, ipinaliwanag ni Chavez na inaprubahan ng National Economic and Development Authority (NEDA) ang tatlong proyekto, kung saan ang pondo ay mang ga galing sana sa official development assistance loan mula sa China. Pero, hindi tinugunan ng China ang hiling ng Duterte administration na umutang.  “The Loan Applications for the SCRP EPCC Contract and the PNR SLH DB Contract were not approved a...

NAKAPAGTALA ang Department of Health (DOH) ng karagdagang higit 2,500 na bagong kaso ng COVID-19 sa bansa. Dahil dito, umabot na sa higit 19,870 ang aktibong kaso sa bansa na patuloy na ginagamot o naka-isolate. Nakapagtala rin ang DOH ng higit 1,670 na gumaling habang wala namang naitalang nasawi nitong linggo. Naitala naman ang karamihang bagong kaso sa National Capital Region (NCR), Cavite, Laguna, Rizal, Batangas, Iloilo, Pampanga at Cebu. Samantala, mula naman sa Quezon City, Makati City, Manila, Parañaque at Pasig ang karamihang kaso sa NCR. [embedded content] Follow SMNI NEWS in Twitter

ITINALAGA kamakailan lang ni Pangulong Ferdinand “Bongbong” Marcos si dating Defense Secretary Delfin Lorenzana na mamuno sa Bases Conversion and Development Authority (BCDA). Ayon kay Lorenzana sa Laging Handa public briefing na wala pang naging partikular na direktiba si Pangulong Marcos sa BCDA. Gayunpaman, nangako si Lorenzana na mai-ambag ang 36% na kita ng BCDA para sa military modernization. Layon ng bagong BCDA chair na mapangalagaan ang interes ng armed forces kung saan makakukuha rin ito ng pondo mula roon sa mga kinikita ng BCDA. “Basta ang sabi ko sa kaniya, ang kagandahan ng aking pagpunta sa BCDA ay sa kadahilanang 36% ng earnings o iyong kinikita ng BCDA ay pupunta sa modernization ng equipment ng armed forces. Kasi bilyung-bilyong peso ito at marami na rin silang naibigay para sa modernization—nakabili tayo ng maraming equipment dahil doon sa binibigay ng BCDA,” ani Delfin Lorenzana- Chairperson, BCDA. Ngunit, ipinaliwanag ni Lorenzana na hindi lang armed fo...

NAGHAIN ng panukalang batas si Sen. Grace Poe na titiyak sa maagap na pagrerehistro sa kapanganakan ng bawat bulnerableng batang Pilipino. Ang Senate Bill 332 ni Sen. Poe o ang “Children in Need of Special Protection (CNSP) Birth Registration Act” ay nagkakasa ng matibay na sistema para sa napapanahong pagrerehistro sa kapanganakan ng mga agrabyadong bata upang mapangalagaan ang kanilang mga karapatan. “Ang pagrehistro ng kapanganakan ay unang hakbang para magkaroon ng legal na pagkakakilanlan at makatanggap ng benepisyo mula sa pamahalaan ang bawat bata,” diin ni Poe. Ang CNSP ay mga kabataang wala pa sa 18 taong gulang o 18 pataas na hindi kaya nang pangalagaan ang kanilang sarili dahil sa pisikal o mental na kapansanan; o mga bulnerable o biktima ng pang-aabuso, pagpapabaya, diskriminasyon, kalamidad, sakuna at iba pang kahalintulad na kondisyon. Kabilang sa CNSP ang mga batang biktima ng pisikal o sekswal na pang-aabuso, mga naiipit sa gitna ng digmaan, mga biktimang child...

KINUMPIRMA ng Department of Justice (DOJ) na mananatili pa rin bilang hepe ng Bureau of Corrections (BuCor) si Director General Gerald Bantag, na itinalaga ng dating Pangulong Rodrigo Roa Duterte bilang OIC sa BuCor kapalit ni Nicanor Faeldon noong 2019. Nito namang nagdaang Marso ngayong taon ay tuluyan nang itinalaga ni Duterte si Bantag at pormal na nanumpa bilang director general ng BuCor. Ipinaliwanag ni Justice Secretary Crispin Remulla na napagdesisyunan niyang manatili si Bantag sa BuCor dahil nakasaad naman aniya sa BuCor Act of 2013 na ang director general ng BuCor ay may tour of duty na hindi lalagpas sa anim na taon. Kaugnay nito ay agad na nagpulong sina Remulla at Bantag, pero walang pag-amin si Remulla kung may special order ba siya kay Bantag at kung ano-ano ang kanilang napag-usapan. Follow SMNI News on Twitter

TUMAAS ang mga presyo ng mga bilihin sa Estados Unidos sa 9.1% kumpara sa pinakamalaking taunang pagtaas mula noong 1981 at nagbabadya ng pagtaas ng interes sa mga pampinansyal na institusyon ng Amerika. Mataas na presyo ng gasolina, pagkain at upa ilan lang ito sa dahilan sa pagpalo ng pinakamataas na inflation rate ng Estados Unidos sa loob ng apat na dekada na tinatayang magdadala ng panibagong kalbaryo sa mga gastusin ng mga pamilya. Ang inflation ay pumalo sa pinakamataas noong Hunyo, kung saan ang presyo ng mga mamimili sa Estados Unidos ay tumaas ng 9.1%, ayon sa bagong data na inilabas ng Bureau of Labor Statistics . Ito ang pinakamataas na antas sa mahigit 40 taon at mas mataas kaysa sa nakaraang pag-aaral, nang tumaas ang mga presyo ng 8.6% para sa taong natapos noong Mayo. Mas mataas din ito kaysa sa 8.8% na una nang inasahan ng mga ekonomista. Karamihan sa pagtaas noong Hunyo ay hango sa presyo ng gasolina, na tumaas ng halos 60% sa buong taon. Ramdam din ang mga pagt...

IKAAPAT na araw na ngayon ang mahigpit na pagpatutupad ng partial lockdown sa Macau, dahil marami sa mga overseas Filipino workers (OFWs) ang apektado sa kanilang mga trabaho. Simula Hulyo 11 mahigpit nang ipinatutupad ang partial lockdown sa Macau. Ibig sabihin, limitado lamang ang galaw ng mga residente doon  dahil sa patuloy na tumataas ang COVID-19 cases sa lugar. Sa huling tala umabot na sa 1,675 ang kaso ng COVID-19 doon habang mahigit 60 sa mga Pinoy ay nagpositibo sa COVID-19. Ipinagbabawal na rin ngayon ang paglabas ng kanilang pamamahay kung hindi rin naman kailangan. Maari lamang lumabas para pumunta sa mga supermarket para bumili ng mga pangunahing kailangan gaya ng pagkain at iba pa.   “Once na lumabas ka ngayon na naglakad ka na wala kang gagawin , pwde kang mahuli, “ ayon kay Inna Santos Angeles, Vice President, Filipino Community Alliance in Macao (FILCAM). Pili lamang din ang mga establisyemento na bukas, gaya ng mga restaurant pero hindi pwde ang ...

SINALUBONG ni Australian Prime Minister Anthony Albanese ang kanyang counterpart na si Prime Minister Manasseh Sogavare ng Solomon Islands ng isang mahigpit na yakap sa kasagsagan ng sideline ng Pacific Islands Forum sa Fiji. Ang mainit na pagbati na ito sa pagitan ng dalawang lider ay nangyari sa gitna ng tensyon na bumabalot sa security agreement ng Solomon Islands at China. Sa pagpupulong, binigyang diin ni Albanese ang kahalagahan ng relasyon sa pagitan ng Australia at Solomon Islands. Sinabi naman ni Sogavare na nananatiling pamilya ang dalawang bansa sa kabila ng maraming isyu na bumabalot sa mga ito. Ang pagpupulong na ito ang unang face-to-face talk sa pagitan ni Albanese at Sogavare kasunod ng kanilang unang pag-uusap sa telepono noong nakaraang buwan. Follow SMNI News on Twitter

SINIMULAN na ng Constitutional Court ng South Korea ang pagtalakay sa D eath Penalty System sa bansa. Nagkaroon ng open hearing ngayong araw ang Constitutional Court  ng South Korea kung ipapawalang-bisa ba o hindi ang death penalty sa bansa. Makalipas ang 12 taon na mabigyang bias ang death penalty sa bansa taong 1996 at 2010, ngayon ang muling pagkakataon na nagkaroon ng paglilitis ang constitutional court ng South Korea hinggil sa batas na ito. Ito ay matapos naghain ng Constitutional Petition Challenging Capital punishment, kasama ng Committee for Justice and Peace of the Catholic Bishops of Conference sa South Korea, ang isang lalakeng nahatulan ng death penalty na kalaunan at nahatulan ng panghabambuhay na pagkakulong dahil sa pagpatay sa sariling mga magulang nito taong 2019. Samantala, anim na pagsang-ayon mula sa siyam na Constitutional Court Judges ang kinakailangan upang mapawalang bisa ang death penalty sa bansa. Follow SMNI News on Twitter Tweets by...

HINDI makapaniwala si Aling Gloria Magdael na muli silang magkikita ng kaniyang suki sa parking lot noon walang iba kundi si Vice President Sara Duterte . Ayon kay Aling Gloria, siya pa rin ang Sara Duterte na kaniyang nakilala noong estudyante pa ito mabait, matulungin at mapagkumbaba. Kuwento ni Aling Gloria, nagkakilala sila ni VP Duterte noong estudyante pa ito sa San Beda University sa Maynila bago ito lumipat sa San Sebastian College. Siya at ang kaniyang anak na si Boboy ang nagbabantay sa sasakyan ni VP Duterte habang nasa law school ito. Ngayong araw nga ay hindi masidlan ang tuwa ni Aling Gloria nang magkita sila muli ng pangalawang pangulo. Ayon pa kay Nanay Gloria at ng kaniyang anak na si Boboy, hindi pa rin nagbabago si VP Duterte. Siya pa rin anila ang mabait, matulungin at mapagpakumbaba na Sara Duterte na nakilala niya noong estudyante pa ito. [embedded content] Follow SMNI NEWS in Twitter

IPINAG-UTOS ni Pangulong Ferdinand “Bongbong” Marcos ang pagpapabilis ng pag-imprenta at distribusyon ng national ID cards. Nais ni PBBM na magamit na ng mga Pilipino simula sa unang bahagi ng taong 2023 ang national ID. Higit 50 milyong national ID cards ang target na maimprenta ng pamahalaan. Sa pulong balitaan naman sa Malakanyang, sinabi ni Press Secretary Trixie Cruz-Angeles na primary purpose ng pulong ni PBBM sa NEDA ay ang patungkol sa national ID system. Bukod dito, ay wala nang impormasyon ang Palasyo kung mayroon pa bang ibang paksa na napag-usapan sa naturang pulong. Saad ni Angeles, ang natalakay ay bahagi ng economic recovery ng bansa.  “So, necessary kasi iyong national ID doon, essential siya lalung-lalo na doon sa banking systems at pagtatayo ng maliliit na negosyo or kahit anumang negosyo. So, sa credit system mahalaga din po iyong national ID system,” ani Atty. Trixie Cruz-Angeles, Press Secretary. Sa datos ng Philippine Statistics Authority (PSA) as ...

PORMAL nang nagretiro si Philippine Marine Corps Commandant Major General Nestor Herico matapos ang 38 taon na serbisyo sa militar. Isang seremonya ang inihandog kay MGen. Herico sa pangunguna ni Philippine Navy Flag Officer-in-Command, Rear Admiral Adeluis Bordado sa Philippine Marine Corps Headquarters sa Fort Bonifacio sa Taguig City. Kasabay nito, binigyan ng parangal ni Bordado si Herico dahil sa ipinakita nitong kahusayan sa pamumuno at propesyonalismo sa paglilingkod sa bayan. Sa mahabang panahon sa militar, ilang matataas na posisyon ang hinawakan ni Herico na naging daan para siya ay mabigyan ng mga pagkilala kabilang ang Presidential Merit Medal at Philippine Legion of Honor Degree of an Officer. Iiwan ni Herico ang Philippine Marines na isinusulong ang pagpa tu tupad ng Archipelagic Coastal Defense Strategy, habang pinalalakas ang ugnayan sa international partners. Si Herico ay nagmula sa Zamboanga City at miyembro ng Philippine Military Academy (PMA) “Maringal” ...

DIGITALIZATION, Road Safety Inter-Active Center at IT Training Hub, ito ang mga tinututukang programa at proyekto ngayon ng Land Transportation Office (LTO) . Ayon kay LTO OIC Atty. Romeo Vera Cruz sa Laging Handa public briefing, nais ng ahensya na magkaroon ng mabilis at matiwasay na paghahatid ng serbisyo sa mamamayan partikular sa pagproseso ng driver’s license at registration ng motor vehicle. “Mayroon lang kaunting mga problema and inaayos po natin iyan para mapabilis po ang ating pag-process ng ating driver’s license at saka registration ng ating mga motor vehicle. We tend to address all of these glitches ‘no,” ayon kay Atty. Romeo Vera Cruz, OIC, LTO. Kasama ring tinututukan ngayon ng LTO ang nagpapatuloy at halos nakumpletong nang mga proyekto na nasa ilalim ng mandato ng ahensya. Partikular dito ang Road Safety Inter-Active Center, isang platform na nagpapaalala sa publiko sa kahalagahan ng road safety. Kaugnay dito, konektado na ngayon ang data systems ng Metropolit...

INAKUSAHAN ng aabot sa 100 refugee sponsor groups ang Federal Government ng breach of agreement na nagdulot sa pagkaantala ng pagpapaabot nito ng tulong sa ilang vulnerable na grupo sa bansa. Ang mga grupong ito, na kilala bilang sponsorship agreement holders, ay mga relihiyoso, humanitarian, o community organizations na umaako ng ganap na pinansyal, legal at logistic na obligasyon kaugnay ng pagkuha ng refugees para manirahan sa Canada. Bawat taon, ang sponsorship agreement holders ay binibigyan ng kaukulang bilang ng refugee. Kadalasan ay umaabot ito sa humigit-kumulang 10,000-12,000 kung saan maaari nilang isumite ang aplikasyon sa Immigration at Refugees and Citizenship Canada, na siyang nag-iinterbyu, nagsasagawa ng medical checkups at security clearance para sa mga ito. Sumulat ng liham sa Federal Minister na si Sean Fraser, ang Canadian Refugee Sponsorship Agreement Holders Association (SAH Council) noong Hunyo 20 upang magreklamo na hindi pa rin binibigyan ng Ottawa ang mg...

TUMITINDI ang wildfires sa Yosemite National Park sa California , na nagbabanta ng malaking pinsala sa mga makasaysayang higanteng puno ng sequoia na inaalagaan ng estado. Sa nakalipas na ilang taon, ang mga wildfires ay naging pinakamalaking banta sa mga higanteng sequoia sa Yosemite National Park. Nagpadala na ng mga grupo sa Mariposa Grove upang balutin ang malalapad na katawan ng puno ng foil na nagsisilbing proteksyon at upang mailigtas ang mga ito sa mga di makontrol na apoy. Humigit-kumulang 500 magulang na sequoia ang nasa panganib ng matinding pinsala kabilang ang 3,000 taong gulang na puno, na grizzly giant. Sa ngayon, inaalam pa ang sanhi ng sunog. Ang mga bumbero ay nagsisikap na pigilin ang apoy sa pamamagitan ng isang air tanker na nagtatapon ng flame retardant at 2 helicopter na nagsasaboy ng tubig. Ayon sa mga ulat ng mga namamasyal at naglalakad malapit sa kakahuyan, nakakita umano sila ng mga kalat-kalat na sunog. Sinabi naman ng mga opisyal na walang mga palat...

NAGPAHAYAG ang Bank of Thailand (BoT) governor na si Sethaput Suthiwartnarueput na inaasahan nilang aabot sa kabuuang 8 milyong dayuhang turista ang papasok sa bansa sa kabila ng lumalaganap na pandemya. Base sa report, nagpapatuloy pa rin ang pagpasok ng mga turista sa kanilang bansa araw-araw at kung hindi magbabago ang bilang ng pumapasok, posibleng umabot sa higit 6 na milyon ang papasok sa katapusan ng taon. Sa inilabas din na datos ng central bank economic data nitong Mayo mula Setyembre ng nakaraang taon ay nasa 1.31 milyong dayuhang turista ang pumasok sa bansa. Habang nitong Abril ay humigit kumulang 300 libong turista ang pumasok sa bansa. Samantala, dagdag pa ni Sethaput, tumaas ng 0.4% ang Gross Domestic Product (GDP) ng Thailand kasunod ng pagtaas ng mga turistang pumapasok sa bansa. [embedded content] Follow SMNI NEWS in Twitter

PLANONG suportahan ng Japan ng enerhiya ang bansang India. Sa tulong ng Japan ‘Asia Energy Transition Initiative, pangungunahan ng Japan ang pagpoproduce ng clean energy sa mga bansang kabilang sa Association of South East Asian Nations (ASEAN). Ayon kay Industry Minister Koichi Hagiuda ang paglulunsad ng ganitong programa ay makatutulong din sa bansang India na mapabuti ang takbo ng energy sources sa lugar. Target din ng nasabing programa ang net-zero carbon emissions, $10 billion budget para sa renewable energy, energy efficiency at liquefied natural gas (LNG) projects. Kasangga naman ng Australian government at ng international energy agency ang paglulunsad sa nasabing programa. Dagdag pa ni Hagiuda, lubhang naapektuhan ang pagkuha ng energy sources sa ilang rehiyon dahil sa Ukraine-Russian war. Samantala, plano naman ngayon ni Hagiuda na mapalakas pa ang liquefied natural gas output supply ng Japan sa tulong ng Estados Unidos at Australia. Follow SMNI NEWS in Twitter Twee...

IN-DEMAND ngayon sa mga kababayan nating Pinoy sa Canada ang biko business ng mag-asawang Gellie De Belen at Ariel Rivera. Sa Instagram post ni Gellie De Belen ipinakita nito ang larawan nilang mag-asawa na busy sa paggagawa ng biko na tinawag nilang Lolo Ben’s Biko mula sa recipe ng ama ni Ariel. Matatawag din itong family-effort dahil maging ang 2 anak nila ay tumutulong sa kanila sa pagluluto ng mga kakanin ng mga Pinoy. Sa ngayon ito ang pinagkakaabalahan nina Gellie at Ariel kapag binibisita nila ang mga anak nila sa Ontario City, Canada. [embedded content] Follow SMNI NEWS in Twitter

NAGSAGAWA ng isang record-breaking na drug bust operation ang mga awtoridad sa San Diego, California sa isang trak na tumawid sa border ng Amerika mula sa Mexico. Mahigit sa 5L libra ng methamphetamine ang nasamsam ng mga awtoridad ng San Diego malapit sa hangganan ng Tijuana, Mexico at tinatayang pinakamalaking meth bust sa syudad. 4 na lalaki mula sa Tijuana, Mexico ang inaresto at kinasuhan ng krimen sa pagbabahagi ng pinagbabawal at mapanganib na droga na methamphetamine, o mas kilala sa tawag na meth. Sakay sila ng isang 20-foot commercial truck na tumawid sa hangganan o border dala ang 148 bag ng meth. Sinundan ng pulis ang sasakyan patungo sa National City, California, kung saan nakita ng mga ahente ang mga akusado na lalaki na naglalabas ng dose-dosenang mga karton na kahon. Ang mga bundle na natagpuan sa mga kahon, positibo sa meth. Noong Abril, nasamsam ng mga opisyal ng Customs at Border Protection ng US sa California ang mahigit 400 pounds ng meth, cocaine, at heroi...

PUMALO sa 37,000 bagong kaso ng COVID-9 ngayong araw ang naitala ng South Korea dulot ng bagong subvariant na Omicron. Dahil sa lubhang nakahahawang bagong subvariant ng Omicron—ang BA.5, kinumpirma ng Korea Disease Control and Prevention Agency (KCDA), na nasa bagong wave ng impeksyon ng COVID-19 ngayon ang bansa kung saan itinaas sa moderate ang nationwide risk level nito. Ngayong araw ang sunod na pinakamataas simula noong Mayo 11 na pumalo sa mahigit 43K kaso ang naitala sa bansa. Isa rin sa naging dahilan ng muling pagtaas ng kaso ng impeksyon ay dahil sa humihinang immunity ng bansa dulot ng pagbaba ng proteksyon o vaccine laban sa COVID-19. Ayon sa mga opisyal, isinusulong ngayon ng pamahalaan ng South Korea ang pagpapataw ng mga bagong hakbang laban sa impeksyon na inaasahan namang iaanunsyo bukas. Follow SMNI NEWS in Twitter Tweets by smninews

HINDI pa napapanahon ang panukalang dagdag-buwis sa mga single-use plastic, online shopping at iba pa. Ito ang sinabi ni Rev. Dr. Pastor Apollo C. Quiboloy, Honorary Chairman ng SMNI sa kanyang live program na Powerline nitong hapon lamang. Ani Pastor Apollo, dagdag-pasanin lang ang pagdagdag ng buwis. Ito’y matapos magpahayag ang Department of Finance (DOF) na buwisan ang single-use plastic, online shopping at online subscription gaya ng Netflix. Ayon sa DOF ito ay para tumaas ang kita ng pamahalaan bilang pambayad sa bilyon-bilyong utang at bilang pampondo sa mga programa at proyekto. Giit ni Pastor Apollo, mas mainam na humanap ng ibang paraan ang pamahalaan para makalikom ng pondo. Pagkukumpara pa ni Pastor Apollo, nagawa naman sa ilalim ng Duterte administration na hindi dagdagan ang buwis kaya kakayanin din ito ng kasalukuyang administrasyon. [embedded content] Follow SMNI NEWS in Twitter

NAKUHA ng Dubai ang titulong top shipping center sa Arab world at naabot ang ikalimang pwesto sa buong mundo ngayong taon. Ito ay base sa Xinhua-Baltic International Shipping Center Development Index. Napanatili naman ng S ingapore ang titulong top international maritime hub sa ika – siyam na magkakasunod na taon. Kabilang naman sa nangungunang 5 shipping center sa taong 2022 ay Singapore, London, Shanghai, Hong Kong at Dubai. Ang index na ito ay naglalabas ng independent ranking ng pinakamalalaking s i yudad sa mundo na mayroong daungan at shipping business services. Follow SMNI NEWS in Twitter Tweets by smninews

ITINAAS ng Bureau of Animal Industry (BAI) ang kanilang surveillance para magkaroon ng early warning platform para tugunan ang problema sa avian influenza o bird flu . Ito ang inihayag ni BAI Director Dr. Reildrin Morales sa Laging Handa public briefing. Dagdag pa ni Morales, pinalawak ang surveillance sa mga karatig probinsya at inilatag na rin sa Animal Health Congress kasama ang Local Government Veterinary Offices. “Nang sa ganoon po, hindi pa outbreak or wala pang full-blown outbreak, magkaroon kaagad tayo ng detection at maka-aksiyon po tayo ng mas mabilis, iyan po iyong purpose ng surveillance,” saad ni Dr. Reildrin Morales-OIC, Bureau of Animal Industry. Bukod dito, nakipag-ugnayan na rin ang BAI sa mga local expert sa poultry industry para naman doon sa mga ibang sakit na maaaring mapagkamalang avian influenza pero hindi naman pala. Nakaaapekto rin kasi aniya ito doon sa produksyon, ito ang tinatawag na “inclusion body hepatitis”. Nag-isyu naman ang DA-BAI ng special...

“MAGKAIBA ang ipagpapatuloy at palalakasin”. Ito ang komento ni Rev. Dr. Pastor Apollo C. Quiboloy , Honorary Chairman ng SMNI sa kanyang programang Powerline, ilang araw matapos linawin ni National Security Adviser (NSA) Sec. Clarita Carlos na hindi niya ipatitigil ang NTF ELCAC, bagkus ay ipagpapatuloy ang magagandang resulta ng nasabing programa. Ayon kay Pastor Apollo, maganda ang plano ni Sec. Carlos na ipagpatuloy ang NTF ELCAC ngunit mas mainam na hintayin muna natin ang magiging resulta nito. “Tingnan muna natin ang magiging resulta kasi may batayan eh. Iba ‘yung ipagpapatuloy at iba ‘yung palalakasin ang NTF-ELCAC. Bakit may kaibahan? Kasi kung ipagpapatuloy mo ‘yan, ‘yun pa rin ang P4-M kada barangay, wala pa ring katuturan ‘yun. Pero kung palalakasin mo, ibalik ‘yung P20-M per barangay na nangangailangan,” ayon kay Pastor Apollo. Matatandaan na mayroong ilang senador ang pumabor na tapyasan ng budget ang NTF-ELCAC sa kabila ng maganda nitong resulta sa pagsugpo ng in...

INAMIN ng suspek sa pagpatay sa isang industrial engineer sa Bulacan ang krimen sa kanyang sinumpaang affidavit. Ito ang kinumpirma ni Police Lieutenant Colonel Ferdinand Hermino, hepe ng Malolos Police. Ayon kay Hermino, lasing ang suspek na si Darwin Hernandez nang gawin ang krimen at may balak na magnakaw hanggang sa makita ang biktimang si Princess Dianne Dayor. Inamin din aniya ni Hernandez na kinuha niya ang cellphone ni Dayor at sinubukang ibenta. Narekober na ang mga gamit ni Dayor kabilang ang cellphone, mga ID at ATM card sa bahay ng suspek. Nasa kustodiya ng Malolos Police si Hernandez na mahaharap sa kasong violence against women at robbery hold-up with homicide. [embedded content] Follow SMNI NEWS in Twitter

ISA sa pinakamasayang nagdiwang sa kasalukuyang panunungkulan ni President Ferdinand “Bongbong” Marcos Jr. ay ang mga kawani ng pamilyang Marcos noon na ngayon ay naninirahan na sa Amerika, na nagtipon kamakailan sa California upang magpasalamat at magbigay suporta sa bagong administrasyon. Ilang linggo na ang nakalipas simula nang manumpa si President Marcos Jr, ngunit nag-uumapaw pa rin ang selebrasyon ng mga taga-suporta nito sa Amerika sa isang pagtitipon ng mga Marcos loyalist, sa California. Kaya naman noong Sabado, isang pagtitipon ang naganap sa Lomita, California, sa pangunguna ng Juan Luna y Novia Club Internationale, isang cultural community ng mga Pilipino sa Amerika. Emosyanal ang iilan ng sariwain ang noo’y pagkakatanggal ng dating Pangulong Marcos sa Malacañang, lalo na ng muling nailuklok ang ng ika-17 Pangulo ng Pilipinas na si Pangulong Marcos Jr. Anila, hindi man sang-ayon ang iilan sa kanilang opinion patungkol sa pamilyang Marcos, ngunit ang kanilang pagpupug...

KINONDENA ni Senador Win Gatchalian ang sinasabing insidente ng hazing na kinasasangkutan ng isang fraternity sa University of the Philippines-Diliman. Hinimok ng senador ang pamunuan ng pamantasan na tiyaking mananaig ang batas o Anti-Hazing Act of 2018 (Republic Act No. 11053) laban sa sino mang mapatutunayang sangkot sa naturang insidente. Hinimok din ni Gatchalian ang pamantasan na paigtingin ang kampanya nito laban sa hazing at tiyakin ang kaligtasan ng lahat ng mga mag-aaral. Noong Hulyo 3, lumabas sa isang serye ng mga tweets sa nasuspindeng account na @UPSILONLEAKS ang mga video at larawan ng umano’y insidente ng hazing. Bagama’t nasuspinde ang naturang account dahil sa paglabag sa community standards, isang panibagong account ang nag-post ng mga video at larawan ng naturang insidente. Kinondena rin ng naturang account ang tinawag nitong pattern ng pagtatakip sa mga karahasang kinasasangkutan ng mga fraternity sa loob ng pamantasan. Bagama’t walang mag-aaral ng UP ang ...

LUBOS ang pasasalamat ng p amilya Ronsairo kay Vice President Sara Duterte dahil sa mabilis na medical assistance na natanggap ng kanilang padre de pamilya matapos itong na-diagnose ng stage 5 chronic kidney disease. April 2022 nang malaman ni Mang Roberto Ronsairo na mayroon siyang stage 5 chronic kidney disease. Aminado si Mang Roberto na pahirapan ang paghahanap ng perang panggamot at pang-dialysis lalo na’t nawalan sila ng trabaho ng kaniyang asawa na si Aling Marites dahil sa COVID-19 pandemic. Kung saan kukuha ng perang panggamot nanatili itong palaisipan sa kanila. Pero tila nabigyan ng pag-asa at liwanag ang p amilya Ronsairo nang malaman na namamahagi ng medical assistance ang Office of the Vice President. Bitbit ang kinakailangang requirements, agad na tumungo si Mang Roberto sa satellite office ng OVP sa Quezon City. Kuwento nito na labis siyang na p ahanga dahil sa mismong araw ng kaniyang paghingi ng medical assistance ay natanggap niya kaagad ang mga gamot na nag...

MATAGUMPAY na ipinagdiriwang sa Malaysia ang Hari Raya Aidiladha sa gitna ng tumataas na bilang ng kaso ng COVID-19. Ayon kay Prime Minister Datuk Seri Ismail Sabri Yaakob, ngayong taong 2022 ay mahigit 14,000 Malaysian pilgrims ang naging panauhin sa Holy Land ng Mecca upang magsagawa ng panalangin at pasasalamat. Samantala, ang hari at reyna sa Malaysia ay nakilahok sa libu-libong kasapi na nagsagawa ng panalangin ng Hari Raya Aidiladha sa Estado ng Pahang. Gayunpaman, ayon sa Malaysian Highway Authority naiulat na maayos at kontrolado ang daloy ng trapiko sa ilang pangunahing hiway at toll plaza sa pagdiriwang ng Araw ng Aidiladha. Follow SMNI News on Twitter Tweets by smninews

NAGKAROON ng landslide victory ang Liberal Democratic party ng Japan sa ginanap na Parliamentary Election kasunod ng pagkapaslang kay Prime Minister Shinzo Abe. Naitaas ng Liberal Democratic Party at ng Junior Coalition Partner nitong Komeito ang kanilang chamber seat sa bilang na 146. Dahil rito, inaasahang mamumuno sa bansa si Prime Minister Fumio Kishida nang walang interapsyon hanggang sa naka-iskedyul na eleksyon sa taong 2025. Posible na rin umanong maisulong ngayon ang charter change sa Japan. Ito ay dahil dalawang opposition party sa bansa ang sumusuporta sa charter change. Masaya naman si Kishida sa pagkapanalong ito ng partido pero hindi pa rin ngumingiti sa harap ng publiko kasunod ng pagkasawi ni dating Prime Minister Shinzo Abe. Follow SMNI News on Twitter Tweets by smninews

PANGANGALAGA sa kalikasan at kapaligiran ang maagang itinuro ng mag-asawang Dingdong Dantes at Marian Rivera sa kanilang dalawang anak na sina Zia at Sixto. Ayon kay Dingdong, bilang isang mamamayan, dapat ay mayroong ambag ang bawat isa kung paano mapangangalagaan ang kalikasan, kapaligiran, at kahit ang mga hayop. Ibinahagi ni Dingdong ang isang halimbawa kung saan may isang beses anila silang namasyal sa dagat at itinuro nito kay Zia ang maraming mga basura. Ipinaliwanag niya dito na nakasasama ang basura sa karagatan kung kaya’t dapat itong pulutin at ilagay sa tamang basurahan. Para din aniya mas effective ang pagtuturo nilang mag-asawa sa kanilang mga anak, binigyang-diin ni Dingdong na kailangan maging lead by example s i ya sa mga ito. Ibig sabihin, mismong siya ay dapat makikita ng mga ito na ginagawa rin ang kanyang mga itinuro dito. Nabanggit ito ni Dingdong sa nakaraang mediacon ng programa niyang A mazing E arth na magdidiwang ng 4th anniversary nitong buwan n...

AABOT sa 13-M expired doses ng COVID-19 ang itatapon na ng pamahalaan ng Canada dahil sa limitadong demand para sa bakuna. Kalahati ng bakunang itatapon ng Canada ay ang Oxford AstraZeneca vaccine dahil hindi ito makakita ng mga gustong tumanggap ng naturang bakuna, sa loob at labas ng Canada. Mula Hunyo 2022, halos 9-M doses ang ipinadala na sa 21 mga bansa. Ngunit sinabi ng Health Canada na may limitadong demand para sa AstraZeneca vaccine at hindi ito makakita ng mas maraming bansa na gustong makakuha ng available na bakuna. Nagdonate din ang Canada ng halos 6.1-M doses ng Moderna vaccine mula sa 10 milyon na ipinangako nito para sa donasyon, ngunit itinapon din ang 1.2-M doses ng bakuna na iyon. Aabot naman sa higit 31-M katao sa bansa ang nakatanggap ng 2 doses ng COVID-19 vaccine. Sa kabuuan, nakapagtala na ang Canada ng 3.94-M kaso ng COVID-19 kung saan umabot na sa higit 40-K ang nasawi. [embedded content] Follow SMNI NEWS in Twitter

IMINUNGKAHI ng business sector at ilang eksperto ang pag-shift sa traffic light approach na e stratehiya sa pagtugon sa COVID-19 pandemic mula sa kasalukuyang alert level system. Sinabi ni Go Negosyo Founder Joey Concepcion na maihahalintulad ito sa stoplight approach na green, yellow at red. Mas madali aniya itong maintindihan ng ordinaryong mamamayan.   “Maybe we can look into shifting from alert levels to basically to stop light – iyong green, yellow at red and that might be easily understood ‘no. Kasi kung green, that means everything is go, iyong yellow, that’s already a warning to be more, more vigilant at iyong red. That basically sets, I think, it makes easier for more people ‘no to understand,” mungkahi ni Concepcion. Ang naturang suhestyon ay binuo aniya ng Advisory Council of Experts o tinatawag na ACE Group na kinabibilangan ng private sector o 30 business organizations, mga doktor at ilan pang eksperto.  “So, we are trying to suggest to the government...

HINIKAYAT ni Senador Ronald “Bato” D ela Rosa ang gobyerno na kung kakayanin dapat na isama ang mga middle class sa ayudang ipinamamahagi ng gobyerno sa mga apektado ng pandemya. Sa isinagawang phone patch interview ng Senate media kay Dela Rosa tinanong ang senador kung dapat din ba na mabigyan ng ayuda ang mga middle class bukod sa mga nasa laylayang sektor ng lipunan. Ayon kay Dela Rosa, lahat naman apektado ng naranasang pandemya, pagtaas ng gasolina at pagtaas ng bilihin kung saan hindi lamang ang mga mahihirap kundi ang maging mga nasa middle class na nagnenegosyo at nagtratrabaho ay apektado rin. Iginiit pa ng mambabatas na ang middle class ang malaki ang naiambag na buwis sa gobyerno kung kaya’t dapat d in na makinabang sila sa buwis na kanilang binayaran. Subalit dapat d in aniya na pag-aralan kung kakayanin ng gobyerno na mabigyan ng ayuda ang middle class.  “Just to mitigate the impact kasi mabilis, abrupt eh. Pagbigyan muna natin ang tao sa kailangan nila ha...

SA kabila ng mapanganib na pagtawid ng border o hangganan ng Estados Unidos , umaasa ang mga migrante na magkaroon sila ng mas maayos at magandang buhay kung palarin makarating sa Amerika. Dahil sa pag-aasam ng magandang buhay sa Estados Unidos, patuloy na tumatawid ang mga migrante mula sa Mexico, hindi alintana ang mapanganib na landas at paglalakbay patungo sa bansang Amerika.Madalas na tumatawid ang mga pamilya sa Rio Grande mula sa siyudad ng Mexico ng Piedras Negras patungo sa Eagle Pass, Texas. Ta o n-taon, libu-libong migrante ang naghahanap ng mas magandang kinabukasan at at dumaranas ng mapanganib na paglalakbay. May mga pagkakataon na sila ay sinasalubong ng mga opisyal ng Border Patrol at I migrasyon. Marami sa mga migranteng ito, ay madalas na nakukulong o pinababalik sa kanilang bansang pinagmulan. Sa panahon ng pagkapangulo ni Donald Trump, sinimulan niya ang isang patakarang asylum na kilala bilang “Manatili sa Mexico,”. Ito ay pinasiyahan ng Korte Suprema ng Es...

SANG-AYON ang sikat na abogadong si Atty. Larry Gadon na palitan ang pangalan ng Ninoy Aquino International Airport (NAIA). Bagamat aminado si Atty. Gadon na Marcos loyalist siya ay hindi siya pabor na ipangalan ito kay dating Pangulong Ferdinand Marcos Sr. Aniya, hindi ito angkop dahil ito ay self-serving sa Marcos family at halatang namumulitika lamang. Nakatitiyak din siya na hindi ito papaboran ni President Bongbong Marcos. Para sa kanya, ibalik na lang sa Manila International Airport ang pangalan ng NAIA, ang orihinal na pangalan ng naturang paliparan. Dagdag pa nito na taong 2017 pa siya naghain ng petisyon sa Kongreso, Office of the President at Supreme Court para sa pagpapalit ng pangalan ng naturang pandaigdigang paliparan. [embedded content] Follow SMNI NEWS in Twitter

MAKARARANAS ng water interruption ang 8 lugar na sineserbisyuhan ng Maynilad simula ngayong araw hanggang sa Hulyo 31. Ito ay bunsod ng raw water quality issue sa Laguna Lake. Sa abiso ng Maynilad, mawawalan ng tubig araw-araw sa mga piling oras ang Bacoor, Imus, Noveleta, Rosario at Cavite City  gayundin sa Las Piñas, Parañaque at Muntinlupa. Dahil dito, pinapayuhan ng kumpanya ang mga apektadong customer na mag-imbak ng sapat na tubig kapag available ang suplay. Sinabi ng Maynilad na magdedeploy sila ng mobile tankers sa mga apektadong lugar para makapagbigay ng potable water at maglalagay rin sila ng stationary water tanks sa ilang lugar. Upang malaman ang buong detalye ng water interruption, maaring bisitahin ang official Twitter at Facebook page ng Maynilad. [embedded content] Follow SMNI NEWS in Twitter

TULOY-tuloy ang pagtatrabaho ni Vice President Sara Duterte ngayong araw bilang ikalawang pangulo at kalihim ng Kagawaran ng Edukasyon kung saan dinaluhan niya ang ilang mga pagpupulong. Ngayong hapon, nag-courtesy call kay VP Duterte sa isang hotel sa Makati si Chinese State Councilor at Foreign Minister Wang Yi. Kasama nila sina Department of Foreign Affairs Secretary Enrique Manalo and Chinese Ambassador Huang Xilian. Una nang nagkita si President Ferdinand “Bongbong’’ Marcos at Foreign Minister Wang Yi sa Malacañang ngayong hapon upang talakayin ang higit pang pagpapatibay ng ugnayan sa pagitan ng Pilipinas at China. Samantala, pinangunahan naman ni VP Sara ang isang pulong sa Department of Education (DepEd) para rebyuhin ang budget ng kagarawan kaninang umaga. Pinagplanuhan din ng mga opisyales ang budget ng DepEd para sa taong 2023. Magugunitang umabot sa P631.77B ang budget na inilaan sa DepEd para sa 2022 na 6.34% na mas mataas kumpara sa 2021 General Appropri...

NAGHAHANGAD ang South Korea ng mas matibay na ugnayang pang-ekonomiya sa Latin America . Iminungkahi ni South Korean Foreign Minister Park Jin na ipagpapatuloy ang pag-uusap sa free trade sa Mexico, habang hinahangad ng gobyerno na palakasin ang ugnayan ng bansa sa South America. Nakipagpulong si Park sa kanyang Mexican counterpart na si Marcelo Ebrard sa Seoul noong Lunes upang talakayin ang pagpapabuti ng bilateral na ugnayan at pagpapataas ng kooperasyon sa iba’t ibang se k tor. Sa kanilang unang bilateral talk, iminungkahi ng Korean M inister na ipagpapatuloy ng dalawang bansa ang negosasyon para sa free trade agreement, kung saan ang diskusyon ay natigil mula noong 2008. Sa presidential summit ng dalawang bansa noong 2016, ang mga pinuno noon ay sumang-ayon na simulan muli ang negosasyon . Samantala, nilagdaan ng South Korea ang Strategic Economic Complementation Agreement sa Mexico at Ecuador. Bukod sa negosasyon sa Mexico, ang South Korea ay nakikipag-talakayan d i...

NAGPAHAYAG ng pasasalamat ang dating kadre ng Communist Party of the Philippines-New People’s Army – National Democratic Front of the Philippines (CPP-NPA-NDF) na si Jeffrey Ka Eric Celiz sa pagsuporta ni Presidential Son and Ilocos Norte First District Representative Sandro Marcos sa National Task Force to End Local Communist Armed Conflict (NTF-ELCAC). Sa isang Twitter post ni Rep. Marcos,  isusulong aniya ang pagkakaroon ng mas mataas na pondo para sa NTF-ELCAC. Ani Ka Eric, kasama ang mga dating rebelde, nagpapasalamat sila sa ganitong pahayag ng kongresista. “Nagpapasalamat kaming mga dating rebelde, at mga dating kadre na nanggaling sa CPP-NPA-NDF at ngayon ay katuwang na ang pamahalaan sa pagpapalawak at pagpapalakas ng ating kampanya para durugin n an g lubusan at tapusin ang problema sa CPP, sa ganitong pagpapahayag ni Cong. Sandro Marcos,” ayon kay Ka Eric. “Dalawang bagay ang binanggit ni Sandro Marcos, sabi niya magpapatuloy ito at instead palalakihin pa dapa...