Mabilis na pag-imprenta at distribusyon ng national ID cards, ipinag-utos ni PBBM

IPINAG-UTOS ni Pangulong Ferdinand “Bongbong” Marcos ang pagpapabilis ng pag-imprenta at distribusyon ng national ID cards.

Nais ni PBBM na magamit na ng mga Pilipino simula sa unang bahagi ng taong 2023 ang national ID.

Higit 50 milyong national ID cards ang target na maimprenta ng pamahalaan.

Sa pulong balitaan naman sa Malakanyang, sinabi ni Press Secretary Trixie Cruz-Angeles na primary purpose ng pulong ni PBBM sa NEDA ay ang patungkol sa national ID system.

Bukod dito, ay wala nang impormasyon ang Palasyo kung mayroon pa bang ibang paksa na napag-usapan sa naturang pulong.

Saad ni Angeles, ang natalakay ay bahagi ng economic recovery ng bansa.

 “So, necessary kasi iyong national ID doon, essential siya lalung-lalo na doon sa banking systems at pagtatayo ng maliliit na negosyo or kahit anumang negosyo. So, sa credit system mahalaga din po iyong national ID system,” ani Atty. Trixie Cruz-Angeles, Press Secretary.

Sa datos ng Philippine Statistics Authority (PSA) as of June 30,  nasa 74 percent o 68.3 million national ID applicants na ang nakapagparehistro mula sa target na 92 million.

Subalit nasa higit 13.8 million pa lamang ang naideliver na physical cards.

Kung matatandaan, pinirmahan ni dating Pangulong Rodrigo Roa Duterte ang Republic Act 11055 o PhilSys Act noong Agosto 2018.

Pebrero 2022, nilagdaan ni dating PRRD ang EO 162 na nag-uutos na tanggapin ang Philippine National ID bilang sapat na katibayan ng pagkakakilanlan at edad ng isang indibidwal sa lahat ng transaksyon sa bansa.

Ito ay upang mas mapabilis ang paghahatid ng serbisyo, mapadali ang paggawa ng negosyo at mapalakas ang financial inclusion.

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more