Mga hakbang para matugunan ang problema sa bird flu, inilatag ng BAI

ITINAAS ng Bureau of Animal Industry (BAI) ang kanilang surveillance para magkaroon ng early warning platform para tugunan ang problema sa avian influenza o bird flu.

Ito ang inihayag ni BAI Director Dr. Reildrin Morales sa Laging Handa public briefing.

Dagdag pa ni Morales, pinalawak ang surveillance sa mga karatig probinsya at inilatag na rin sa Animal Health Congress kasama ang Local Government Veterinary Offices.

“Nang sa ganoon po, hindi pa outbreak or wala pang full-blown outbreak, magkaroon kaagad tayo ng detection at maka-aksiyon po tayo ng mas mabilis, iyan po iyong purpose ng surveillance,” saad ni Dr. Reildrin Morales-OIC, Bureau of Animal Industry.

Bukod dito, nakipag-ugnayan na rin ang BAI sa mga local expert sa poultry industry para naman doon sa mga ibang sakit na maaaring mapagkamalang avian influenza pero hindi naman pala.

Nakaaapekto rin kasi aniya ito doon sa produksyon, ito ang tinatawag na “inclusion body hepatitis”.

Nag-isyu naman ang DA-BAI ng special import permits sa mga bakuna na kailangan para matugunan ang hamon na dala ng naturang sakit.

Umapela naman si Morales na kung may makitang kakaiba sa mga alagang hayop o may nagkakamatayan, ay agad itong ipagbigay-alam sa pinakamalapit na veterinary office, municipal agriculture o sa regional field offices upang maaksyunan kaagad.

“Kailangan lamang po na i-report agad nang maaksyunan agad. Iyon po iyong mabilis po at sama-samang pagkilos ang kritikal po sa ating pagsugpo ng avian influenza,” ayon kay Dr. Reildrin Morales-OIC, Bureau of Animal Industry.

Sa ngayon, nasa higit 150 na ang kumpirmadong kaso ng avian influenza o bird flu sa bansa.

Kumalat ang bird flu dahil sa maluwag na biosecurity na ipinatutupad ng ilang poultry farm.

May ilan ding nagpuslit ng manok mula sa mga lugar na infected.

Tiniyak naman ni Morales na mapagkakalooban ng indemnification fee ang apektado ng bird flu.

Samantala, inihayag ng BAI na malaking tulong ang pansamantalang pag-alis ng DA sa temporary ban ng poultry products sa Spain, Denmark, at Czech Republic para ma-stabilize ang supply ng manok sa bansa.

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more