Sen. Imee Marcos muling nagtungo sa Pangasinan; 2 bayan nakatanggap ng tig P3-M ayuda

MULING binalikan ng Presidential sister at Senadora Imee Marcos ang probinsya ng Pangasinan upang mamahagi ng tulong pinansyal sa mga nangangailangan.

Una itong nagtungo sa bayan ng Manaoag Pangasinan at masayang ibinalita na mayroong 3 milyong pisong halaga ng financial assistance na ipamamahagi sa isang-libong residente sa nasabing bayan sa pamamagitan ng Assistance to Individuals in Crisis Situation (AICS) program ng Department of Social Welfare and Development (DSWD).

Matapos ito ay agad na nagtungo ang senadora sa bayan ng San Fabian Pangasinan at dito panibagong isang-libong residente naman sa bayan ng San Fabian ang nabiyayaan ng ayuda sa ilalim ng kaparehong programa ng DSWD.

Ang mga benepisyaryo ng nabanggit na tulong pinansyal ay mga solo parents, persons with disabilities and special needs, senior citizens, at mga indigent mula sa nasabing bayan.

Nagpapasalamat naman sina San Fabian Mayor Marlyn Agbayani at Vice Mayor Constante B. Agbayani sa naging pagbisita ni Senator Imee sa kanilang lugar.

Matatandaan na bago pa man ito ay napuntahan na ni Sen. Imee ang ilang bayan at siyudad sa Pangasinan kasabay ng kanyang kaarawan nitong nakaraang buwan kung saan namahagi rin ito ng tulong pinansyal sa San Carlos City, Bayambang, Alaminos City, Binalonan at Dagupan City.

Malaki naman ang pasasalamat ni Dagupan City Mayor Belen Fernandez na sa unang pagkakataon ay nabigyan ng importansya mula sa national government ang mga solo parents dito sa lungsod.

 “Alam niyo natutuwa ako kasi for the first time nabigyan ng importansya ang solo parents, isang libo po ang binigyan niya ng tulong na solo parent, palagay ko hindi yan hihinto dahil priority din ni Senadora Imee ang tumulong,”  Mayor Belen Fernandez.

Samantala, inihayag at ipinangako naman ng pambansang ate na kanyang ipagpapatuloy ang mga programa ng kanyang yumaong ama at dating Pangulong Ferdinand Marcos Sr.

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more