Nakakamatay na E.coli bacteria, nakita sa nasabat na smuggled white onions –DA

BINALAAN ng Department of Agriculture (DA) ang publiko laban sa pagtangkilik sa mga smuggled na agricultural products.

Ito ay matapos lumabas ang resulta ng phytosanitary inspection ng Bureau of Customs (BOC) sa mga nasabat na milyong-milyong pisong halaga ng smuggled white onions sa Maynila kamakailan.

Ayon kay Agriculture Deputy spokesperson Rex Estoperez, natuklasan sa pagsusuri na may E.coli bacteria ang mga smuggled na puting sibuyas.

Ito ang dahilan kung bakit hindi nila itinuloy ang una nilang plano na ibenta ang mga ito sa mga Kadiwa store.

Ang E.coli bacteria ay nakukuha mula sa mga kontaminadong pagkain o tubig na mapanganib sa kalusugan ng tao lalo na sa mga bata.

Maaring magdulot ng diarrhea o pananakit ng tiyan at pagsusuka ang sinuman na may E.coli bacteria sa loob ng katawan.

Posible ring maapektuhan ang kidney at maaring magdulot ng pagkasawi.

Ang nakitang E.coli bacteria sa smuggled puting sibuyas ay hindi nalalayo sa water quality na nasuri noon sa Boracay.

Dahil dito nanawagan ang DA sa publiko na itigil na ang pagbili ng mga smuggled white onions sa supermarket at online stores.

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more