2-M batang Pilipino edad 2 pababa, ‘di pa nababakunahan –DOH

UMAABOT sa 2 milyong batang Pilipino ang hindi pa nakatatanggap ng bakuna laban sa mga sakit tulad ng polio, measles at tuberculosis.

Sinabi ni Department of Health (DOH) OIC Maria Rosario Vergeire na mula sa ideal na 95% na dapat mabakunahan ay 36% pa lamang ang natuturukan sa bansa.

Batay sa rekomendasyon ng United Nations Children’s Fund (UNICEF), kailangang kumpletuhin ng mga bata ang lahat ng kinakailangang dosis ng bakuna sa oras na sila ay isang taong gulang upang makaiwas sa mga sakit.

Sa ngayon, pinapaigting na ng DOH ang pagbabakuna sa mga bata katuwang ang local government units at inilunsad ang “vax-baby-vax” nitong Nobyembre 7 at magtatagal hanggang Nobyembre 18.

Nananawagan din ang kagawaran sa mga magulang na ipabakuna na ang kanilang mga anak upang maiwasan ang outbreak ng mga nasabing sakit sa bansa.

Follow SMNI News on Twitter


Comments

Post a Comment

Popular posts from this blog

Yakap ng Magulang Movement, nangangambang maulit ang pananambang ng NPA sa maghahatid ng tulong sa nasalanta ng bagyo

Image
PINAG-iingat ng anti-communsit group na Yakap ng Magulang ang mga sundalo at kapulisan na maghahatid ng tulong sa mga nasalanta ng bagyo sa iba’t ibang panig ng bansa. Kasunod ito ng nangyaring ambush sa mga kasundaluhan sa lalawigan ng Abra habang maghahatid ang mga ito ng tulong para sa mga biktima ng lindol sa lalawigan. Umaasa si Relissa Lucena, pangulo ng Yakap ng Magulang Movement na hindi mangyayari ang karumal-dumal na ambush incident na ito sa mga tropa ng pamahalaan. Ito’y para maihatid nang mabilis at ligtas ang mga ayuda ng gobyerno kasama na rin ang mga tulong mula sa pribadong sektor. Ayon sa grupo, hindi panahon ng pananamantala ngayon kundi panahon ng pagkakaisa at pakikipagtulungan lalo na sa mga pamilya na nawalan ng tirahan at kabuhayan dahil sa nagdaang kalamidad. Follow SMNI News on Twitter
Read more

AFP, tinanggap ang bagong SMNI PAARU Reservists

Image
TINANGGAP ng Armed Forces of the Philippines (AFP) ang mga bagong reservists sa ilalim ng 2nd Metro Davao Signal Battalion-SMNI PAARU sa isang seremonya na dinaluhan ng army officials at ni Pastor Apollo C. Quiboloy , ng The Kingdom of Jesus Christ at ang Honorary Chairman ng Sonshine Media Network International, World Missionary Chaplain at World Ambassador for Peace. Simula Pebrero 25 taong 2015, ang SMNI ay may ugnayan na sa Philippine Army Affiliated Reservist Unit (PAARU) kung saan may unit designation ito na 2nd Metro Davao Signal Battalion. Bilang 2nd Signal Battalion PAARU, ang pangunahing misyon ng SMNI ay tumulong at pangunahan ang mga programa ng national government at AFP sa pamamagitan ng pag-bobroadcast sa radyo at telebisyon gamit ang mga pasilidad at kapabilidad ng SMNI at tumulong o magsagawa rin ng mga humanitarian activity tuwing may mga kalamidad at ipakita ang mga programa at misyon ng 11th RCDG sa pamamagitan ng broadcast media. Dahil sa pagiging makabayan ni...
Read more

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more