Senator Mark Villar, ikinatuwa ang patuloy na infrastructure development ng PBBM admin

PINURI ni Senador Mark Villar ang hakbang ng pamahalaan na pagtuunan ng pansin ang infrastructure development ng bansa.

Kasama si Sen. Villar na dumalo sa groundbreaking ceremony ng Metro Manila Subway araw ng Lunes na pinangunahan ni Pangulong Ferdinand “Bongbong” Marcos, Jr.

Ang Ortigas at Shaw Boulevard Stations and Tunnels ay bahagi ng Contract Package 104 (CP104) ng Metro Manila Subway Project (MMSP).

“I’m glad to see that President Bongbong Marcos’ BUILD BETTER MORE program will continue the country’s Golden Age of Infrastructure. Continuity is very significant in terms of infrastructure development in the country,” pahayag ni Villar.

Para kay Villar, ang pagtatayo ng subway ay bahagi sa pagpapatuloy ng golden age ng infrastructure ng bansa.

Ang Metro Manila Subway Project ay isa sa mga pangunahing proyektong pang-imprastraktura sa Pilipinas.

Plano nito ang pagtatayo ng isang epektibong rail network sa National Capital Region (NCR).

Ang CP104 na nagkakahalaga ng PhP17.75-B ay itatayo ng Tokyu-Tobishima Megawide Joint Venture, TTM-JV.

“During my term as DPWH Secretary, I remember the time when this project was being conceptualized. Many were doubtful but here we are here today, realizing the project that has come to fruition. This world-class subway only proves that we can be on par with other developed countries,” ani Villar.

Ayon kay Villar, unang nabuo ang consepto ng proyekto sa panahon ng kanyang panunungkulan bilang kalihim ng DPWH ng nakaraang Duterte administration.

Marami aniya ang nag-alinlangan dito ngunit naisakatuparan na ngayon.

Ang proyekto ay pinondohan ng gobyerno ng Japan sa pamamagitan ng Japan International Cooperation Agency (JICA).

Target naman ng Department of Transportation (DOTr) na bahagyang simulan ang operasyon ng subway sa 2025.

MGA KAUGNAY NA BALITA:

Konstruksiyon ng Metro Manila Subway Project, tuloy sa ilalim ng Marcos admin

P112.87-B na loan ng Pilipinas para sa Metro Manila Subway Project, naaprubahan na ng Japan

Bahagi ng Meralco Avenue, isasara para sa groundbreaking ceremony ng subway project

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more