PUV drivers na labis ang paniningil ng pamasahe, kinundena ng LTFRB

MARIING kinundena ng Land Transportation Franchising and Regulatory Board (LTFRB) ang labis na paniningil ng mga public utility vehicle (PUV) drivers sa kanilang mga pasahero.

Kasunod ito sa karanasan ng isang Korean artists na sumakay ng taxi pagdating ng bansa noong nakaraang buwan.

Siningil ito ng mahigit P1,000 ng isang taxi driver na tinatayang tatlong beses na mas mataas sa dapat na singil sa kaniya sa taxi.

Kaugnay nito, sinabi ng LTFRB na hindi katanggap-tanggap ang panloloko ng PUV drivers sa mga pasahero lokal man o dayuhan kagaya ng labis na paniningil.

Pinaalalahanan ng LTFRB sa mga PUV driver at operator na sumunod sa mga alituntunin at polisiya ng ahensiya upang mapabuti ang pagseserbisyo sa publiko.

Ang sinumang mahuhuling lalabag sa mga ito ay papatawan ng karampatang parusang nakapaloob sa Joint Administrative Order 2014.

Tulad ng pagbabayad ng multa at pagkansela ng kanilang Certificate of Public Convenience (CPC).

Hinikayat naman ng ahensiya ang publiko na ipagbigay-alam sa opisina ang mga ganitong pangyayari sa pamamagitan ng LTFRB 24/7 hotline 1342.

Puwede ring bisitahin ang official Facebook page at Facebook messenger ng ahensiya o di kaya’y mag-e-mail sa pacd@ltfrb.gov.ph upang maaksyunan ang ganitong mga uri ng reklamo.

Samantala, matapos ang limang linggo na rollback sa produktong petrolyo, posibleng ipatupad bukas ang big time oil price hike sa diesel.

Batay sa oil industry sources, halos P6 ang posibleng dagdag singil sa presyo ng produktong diesel kada litro.

Habang nasa higit P1 naman ang dagdag singil sa gasolina kada litro.

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more