Pagtupad sa target programs para sa agricultural sector, tiniyak ni Pangulong Marcos

SINIGURADO ni Pangulong Ferdinand “Bongbong” Marcos, Jr. (PBBM) na tutuparin ng pamahalaan ang target goals nito para sa agricultural sector.

Pahayag ito ng Punong Ehekutibo sa harap ng pagbubukas ng Agrilink Foodlink Aqualink Exhibit 2022.

“I assure you that this administration is one with you in fulfilling our goals and targets for the agricultural rector. We will build ourselves back better together with the people who have been our bedrock of strength and of sustenance even the most challenging times,” pahayag ng Pangulo.

Kaugnay nito, inilahad ni PBBM na nagkaloob ang gobyerno ng inputs gaya ng mga binhi, fertilizers, fingerlings, livestock, machinery equipment at facilities bilang tulong sa mga magsasaka at mangingisda.

Kabilang pa sa mga programa ng pamahalaan ang pinalawak na irrigation programs, pagtatag ng KADIWA outlets, pagbuo ng food logistics hubs at agri-trading centers.

Gayundin ang pag-organisa at pagtulong sa mga kooperatiba at asosasyon para sa procurement ng reefer vans, freezers, chillers at iba pang logistical support.

Ito ay upang matulungan ang mga magsasaka na episyenteng mai-transport ang kanilang mga produkto sa mga konsyumer.

Bukod dito, nagkaloob din ang gobyerno ng iba’t ibang uri ng tulong tulad ng rice farmers financial assistance at fuel discount program sa mga magsasaka at mangingisda.

“Of course we also have the quick response fund which we use to aid our farmers in times of disasters and calamities. So far the government has released a total of 1.54 billion that benefitted more than 17 million farmers and fisherfolk,” ayon kay PBBM.

Samantala, tinawag naman ni Pangulong Marcos ang mga magsasaka, mangingisda, livestock farmers at breeders, na dakilang bayani ng bansa.

Ito ang naging pagkilala ng Punong Ehekutibo sa naturang sektor sabay iginiit ang kahalagahan na mapanatili ang katatagan ng food security sa bansa.

Binigyang-diin din ng Pangulo na ang pagsusumikap ng pamahalaan na mapaghusay pa ang agricultural sector partikular ang kalagayan ng mga magsasaka at mangingisda ay nag-uumpisa pa lamang.

Kinakailangan aniyang ipagpapatuloy ang pagbubukas ng marami pang oportunidad para mapag-ibayo ang kalagayan ng mga nasa hanay ng agrikultura.

Napapanahon din ayon sa Chief Executive, ang pagtutok sa agricultural sector lalo’t nagtaas ang presyo ng basic commodities at upang matiyak ang suplay ng pagkain sa bansa.

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more