Pagpapatupad ng ‘no contact apprehension policy’, unconstitutional ayon sa isang abogado

NANINDIGAN ang iba’t ibang transport groups sa kanilang mga nakikitang dahilan kung bakit kinakailangan ibasura na ang pagpapatupad ng ‘no contact apprehension policy’ (NCAP).

Anila, bagama’t maganda ang layunin nito na makapagdisiplina ng mga motorista ay hindi naman makatao ang ipinapataw na multa.

Sa katunayan, iginiit naman ni Attorney Mark Tolentino, legal consultant ng mga transport group na unconstitutional ang pagpapatupad ng NCAP ng mga lokal na pamahalaan.

Paliwanag pa ni Tolentino, isa sa mga violation na nailabag ng mga LGU ay ang walang maayos na konsultasyon sa mga transport sector.

Ayon naman kay ni Atty. Ariel Inton, Lawyers for Commuters Safety and Protection, wala namang masama kung nais disiplinahin ang mga tsuper sa batas-trapiko.

Pagbibigay-diin ni Atty. Inton, ibang usapin na kapag ang mga inosente ay namumultahan dahil sa kontrobersyal na polisiya ng NCAP.

Kaya naman, ngayong Lunes nagsagawa ng protesta ang mga transport group sa harap ng Quezon City Memorial Circle upang ilahad ang kanilang mga hinaing sa apat na lokal na pamahalaan na nagpapatupad ng NCAP.

Mababatid na kabilang dito ang Quezon City, Parañaque, Manila, at Valenzuela City.

Sinabi ng mga transport group na digitalized kotong ang nakikitang dahilan kung kaya’t ayaw isuspinde ang NCAP.

Anila, kung hindi ito masosolusyunan at magpapatuloy ang panghuhuli sa pamamagitan ng NCAP, posibleng wala nang transport vehicles dahil sa lugmok dahil sa nagmamahalang multa.

Matatandaan, apat  na transport group ang humiling sa Korte Suprema na maglabas ng injunction laban sa NCAP na ipinatupad ng mga lungsod sa Metro Manila.

Sa kanilang petisyon, hiniling nila na ideklara bilang labag sa konstitusyon ang programang gumagamit ng closed-circuit television system at digital cameras para mahuli ang mga motorista sa akto ng paggawa ng mga paglabag sa trapiko.

Samantala, una na ring sinabi ng mga lokal na pamahalaan na hindi nila sususpindihin ang NCAP dahil maayos ang kanilang pagpapatupad sa polisiya nito.

Follow SMNI News on Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more