Talumpati ni PBBM, may perfect amount of time – Sandro Marcos

HINDI gaanong mahaba ang talumpati ng Pangulong Ferdinand “Bongbong” Marcos, Jr. ngunit ito ay may kabigatan.

“It has a perfect amount of time.”

Ito ang tinuran ni Ilocos Norte 1st District Congressman Sandro Marcos sa eksklusibong panayam ng SMNI News hinggil sa magiging takbo ng talumpati ng kanyang amang si PBBM.

Dagdag pa nito, kasama niya si PBBM nitong weekend habang isinusulat ang kanyang magiging talumpati ngayong araw.

Dagdag pa ng presidential son, tiyak na marami ang matutuwa sa magiging talumpati ng Pangulo kung saan ihahayag nito ang kanyang plano para sa bansang Pilipinas sa loob ng anim na taon.

Excited naman ang nakababatang Marcos na marinig ang kauna-unahang SONA ng kanyang ama na gaganapin mamayang alas-4 ng hapon.

Samantala, sinabi nito na abangan na lamang ng taumbayan kung kasama ba sa talumpati ng Pangulo ang usapin hinggil sa National Task Force to End Local Communist Armed Conflict (NTF-ELCAC).

Aniya, banggitin man o hindi ng Pangulo ang tungkol sa NTF-ELCAC, tiniyak naman nito ang kanyang buong suporta sa nasabing programa.

Matatandaan na isa ang NTF-ELCAC sa pinakamatagumpay na programa ng Duterte administration sa pagsugpo ng insurhensya sa bansa.

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more