Panlilinlang ng Makabayan bloc, panahon na para wakasan –VP Sara Duterte

MULING binanatan ni Vice President Sara Duterte-Carpio ang Makabayan bloc kasunod ng pambabatikos ni dating Bayan Muna Rep. at Lumad leader Eufemia Cullamat sa kaniyang pagsusuot ng tribal outfit sa State of the Nation Address (SONA) ni Pangulong Ferdinand “Bongbong” Marcos Jr. kamakailan.

Ayon kay VP Sara, natatawa lang siya sa mga mapagkunwaring pahayag ng Makabayan bloc habang iniisip kung paano ayawan ng taumbayan ang Bayan Muna at iba pang Makabayan bloc partylist groups na muling makalusot sa Kongreso.

“I always have time for Makabayan bloc. The laugh that I get reading Makabayan bloc’s hypocritical and dramatically rehashed statements — while thinking about how the Filipino people rejected the bid of Bayan Muna and two other Makabayan bloc partylist groups to once again infiltrate Congress and legitimize their existence,” pahayag ni VP Sara.

Pagdidiin pa nito na sinungaling ang Makabayan bloc at may “love affair” sa mga terorista at komunista.

“While pretending that we do not know about their ‘love affair’ with the NPA, the NDFP and the CPP — is a way to de-stress from all the challenges the Department of Education and the government need to address without the help of Makabayan bloc, of course,” ani Sara.

Dagdag pa ng bise presidente na marami na ang naloko ng Makabayan bloc dahil sa mga propaganda at pagsisinungaling nito.

Sa loob ng maraming panahon aniya, walang naglakas-loob na ilahad ang totoo laban sa grupo kaya aniya siya ang gagawa nito.

“Marami na ang naloko ng Makabayan bloc. Magaling sila sa propaganda at sanay sila sa pagsisinungaling. Sa loob ng maraming panahon, walang naglakas-loob na ilabas ang katotohanan tungkol sa kanila. Gagawin natin ito ngayon,” ayon pa ni VP Sara.

Paglalahad pa ng Pangalawang Pangulo na marami na ang nalinlang ng Makabayan bloc na batang Pilipino na sumapi sa NPA.

“Ilang batang Pilipino na ang kanilang nahikayat na sumanib sa NPA para sumali sa isang gyera na hindi naman nauunawaan ng mga kabataan — isang giyera na hinding-hindi nila maipapanalo dahil isa itong giyera na laban sa kapwa nila mga Pilipino,” ani VP Sara.

Pagtatanong pa nito na kung ilan na ang pangarap at kinabukasan ang nasira ng grupo at ilang bata na ang namatay bilang miyembro ng NPA.

“Ilang pangarap at magandang kinabukasan na rin ba ng mga kabataan na ba ang hinayaan ng Makabayan bloc na masira sa loob ng maraming mga taon? Ilang kabataan na ba ang namatay bilang NPA?” aniya pa.

Ayon pa kay Vice President Duterte, ang pagsasabi ng katotohanan laban sa Makabayan bloc at sa mga teroristang grupo ay hindi red tagging.

Pagbibigay diin ng bise presidente, panahon na upang wakasan ang panlilinlang ng Makabayan bloc sa taumbayan.

“Ang pagsasabi ng katotohanan tungkol sa relasyon ng Makabayan bloc at sa teroristang NPA, CPP, at NDFP ay hindi red-tagging o terror-tagging — ito ay pagsasabi lamang ng katotohanan. Opo, may panahon tayo para sa Makabayan bloc. Panahon para tuluyan nang wakasan ang kanilang panlilinlang sa sambayanan,” pagdidiin ni VP Sara.

Follow SMNI News on Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more