Pagsuot ng tribal dress ni VP Sara Duterte, pakikiisa aniya sa mga IP

NILINAW ng Vice President at Education Secretary Inday Sara Duterte-Carpio na bahagi ng kanyang pagbibigay-karangalan sa isa sa 11 tribo ng mga katutubo sa Davao City ang kanyang pagsuot ng tribal attire sa unang State of the Nation Address (SONA) ni Pangulong Ferdinand “Bongbong” Marcos Jr.

Bukod dito, sinabi rin ni VP Sara, na ito ay bilang pakikiisa sa mga katutubo sa Mindanao at iba pang indigenous people (IP) sa buong bansa na nakikiisa sa pakikipaglaban kontra sa panlilinlang ng CPP-NPA-NDF.

Partikular na tinukoy ng pangalawang pangulo ang malalang pananamantala ng teroristang NPA sa mga kabataan na nirerecruit para sa kanilang armadong pakikibaka.

Ayon kay VP Sara, ang kanyang pagsusuot ng kasuotan ng mga tribo ay upang mapataas ang kaalaman ng publiko hinggil sa pambibiktima ng CPP-NPA-NDF sa mga IP.

Kaugnay naman sa pambabatikos ni Eufemia Cullamat, dating kinatawan ng natalong Bayan Muna Partylist kay VP Sara na umano’y pakitang-tao lang ang ginawa ng pangalawang pangulo, sinabi ni VP Sara na dapat ito mismo ang maghihingi ng paumanhin sa mga kapwa nito IP dahil pinayagan nito ang teroristang grupong NPA na alisin ang kanilang dignidad bilang tao sa paglalagay sa kanila sa labanan na wala naman silang kinalaman.

Matatandaan na si Cullamat ang ina ng isang NPA fighter na nasawi sa Mindanao noong 2020.

Buong pagmamalaki rin ni VP Sara na nang bumaba siya sa pwesto bilang alkalde ng Davao City, idineklara ang kanilang syudad bilang insurgency-free at naging ligtas ang mga nakatira sa mga bulubundukin ng Davao laban sa mga katulad ni Cullamat.

Kaugnay nito, nangako si VP Sara na bilang kanyang responsibilidad, hindi siya titigil para mabigyan ng proteksyon at mailigtas ang mga kabataan laban sa mga walang saysay at walang kahulugan na ideolohiya ng teroristang grupo.

Follow SMNI NEWS in Twitter


Comments

Post a Comment

Popular posts from this blog

Virtual Pag-IBIG Mobile App, inilunsad para sa mas mahusay na serbisyo

Image
OPISYAL nang inilunsad ng Pag-IBIG Fund ang kanilang bagong App para mas mailapit ang serbisyo nito sa kanilang mga miyembro. Kasabay ng pagdiriwang ng ika-42 anibersaryo ng ahensya noong Miyerkules, Disyembre 14 ay inilunsad ang Virtual Pag-IBIG Mobile App. Ayon kay Pangulong Ferdinand Marcos Jr., ikinalugod nito ang bagong App ng ahensya kung saan kinikilala rin ng Pangulo ang mga nagawa ng Pag-IBIG Fund sa mga nakaraang taon. “Ngayon, tinatanggap din namin ang paglulunsad ng Virtual Pag-IBIG Mobile Application. Ilalapit ng App ang mga serbisyo at benepisyo ng Pag-IBIG Fund sa bawat Pilipino,” saad ni Pangulong Marcos. Tiniyak naman ni Sec. Jose Rizalino Acuzar ng Department of Human Settlements and Urban Development (DHSUD) na siya ring namumuno sa 11-member Pag-IBIG Fund Board of Trustees, na patuloy na gagamitin ng Pag-IBIG Fund ang teknolohiya ng impormasyon upang pagbutihin ang mga proseso at serbisyo nito.  “I congratulate the Pag-IBIG Fund for launching the Vir...
Read more

Estados Unidos, inalala ang mga buhay na nasawi sa Sandy Hook School shooting pagkatapos ng 10 taon

Image
INAALALA ngayon sa Estados Unidos ang mass shooting sa 20 mga grade-schoolers at ilang mga guro sa Sandy Hook Elementary School, 10 taon na ang nakararaan. Ang nakagigimbal dito, patuloy pa rin ang insidente ng mga mass shooting sa Amerika. Noong Disyembre taong 2012, 20 mga bata na mga 1st graders at 6 na empleyado ng paaralan ang brutal na pinagpapatay ng isang mass shooter sa Sandy Hook Elementary School sa Connecticut. Ang insidenteng hindi mawari noon, ay karaniwan na lang ngayon sa Amerika . 10 taon na ang nakalilipas, isang binatilyo ang pumasok sa Sandy Hook Elementary School sa Newtown, Connecticut, dala ang AR-15 na baril at walang awang pinatay ang 20 mga 1st graders pati na rin ang anim na kawani ng paaralan. Pagkaraan ng isang dekada, ang karahasan ng baril ay naging pangunahing sanhi ng kamatayan ng mga kabataan sa Estados Unidos. Mas mataas ang bilang ng karahasan sa baril sa mga bata sa Amerika kung ikukumpara sa iba pang progresibong mga bansa. Sa isang remem...
Read more